My Sweet Revenge

Gene????

My Sweet Revenge

ဒီလိုနဲ့ Yoongi နဲ့ Hoseokတို့ မူလတန်းတက်ရတော့မည်။
Appaက ဂေဟာအနီးမှာရှိတဲ့ကျောင်းမှာထားဖို့ အရင်စိတ်ကူးထားသော်လည်း ဘယ်လိုကနေဘယ်လိုဖြစ်သွားသည်မသိ။ မြို့ထဲကကျောင်းမှာပဲထားခဲ့သည်။

အထက်တန်းကျောင်းပေမို့ မူလတန်းကနေ အထက်တန်းအထိဆိုတော့ ကျောင်းကြီးကတော့ အတော်ပင်ကောင်းသည်။

Appaကိုယ်တိုင် ဆေးရုံသွားရင်း ဝင်ပို့ပေးသည်မို့ သူတို့အတွက်သွားရေးကတော့ အဆင်ပြေနေပေမယ့် ပြန်တဲ့အခါကျ အကြီးများကိုစောင့်ရပေသည်။
အကြီးများနှင့်မှ သူတို့အတူတူပြန်လို့ရသည်။
သူတို့ချည်းပြန်လို့မဖြစ်ပေ။
သွားရမည့်အချိန်မှာ ကားနှင့်ဆိုလျှင်တောင် တစ်နာရီခွဲလောက်ပင်ကြာသည်မို့ သူတို့ကလေးတွေချည်းမပြန်ရဲကြ။

ကျောင်းကောင်းသည်ရော ၊ ဆရာတွေကောင်းသည်ရော ၊ သူငယ်ချင်းအသစ်တွေရသည်ရော အားလုံးအဆင်ပြေနေပေမယ့် Hoseokအတွက် အဆိုးဆုံးအခြေအနေတစ်ခုရှိပေသည်။

အဲ့ဒါကတော့ Kimအိမ်တော်မှ သခင်လေးနှင့်တစ်ကျောင်းတည်းဖြစ်နေခြင်းပင်။ သခင်လေးနှင့်ပင်မက သူတို့နှင့်ရွယ်တူဖြစ်သည့် Kim Taehyungနှင့်Kim Jinnieဟူသော အမွှာနှစ်ကောင်နှင့်ပါ အတူတူပင်ဖြစ်လေသည်။

အရင်တစ်ခေါက်ပြသနာဖြစ်ပြီးကတည်းက သူနှင့်သူ့အဖွား ဂေဟာကို လတိုင်းလာတတ်ပေမယ့် သူနှင့်တော့ မျက်ကြောမတည့်လှ။

မတည့်ဆို သူတို့လာသည့်အချိန်တိုင်း သူ့အဖွားက သူ့မြေးကို Hoseokတို့နှင့် ကစားစေသည်မလား။

အဲ့ကောင်ကလည်း တွေ့သည်နှင့် Yoonieပါးကို ဆွဲသည်။ဖျစ်သည်။ လူလစ်လျှင် နမ်းလဲနမ်းတတ်သည်မလား။ Yoongiဆိုသည်မှာလည်း ရှက်တတ်သည်ကတစ်ကြောင်း ၊ ဟိုက လူကောင်ပိုထွားနေသည်ကတစ်ကြောင်း၊ နောက်ပြီး ပါးချိုင့်ကြီးတွေပေါ်အောင်ပြုံးပြလိုက်လျှင် အလိုလို ပါးစပ်ပိတ်ပြီးသားပင်။
ကြားထဲက သူကသာ လိုက်ဆွဲနေရတော့ ဘယ်တည့်ကြတော့မလဲ။