Soulless Dream of Amaris

Chapter 14

"Gutom na talaga ako Mari," Reklamo ni Aly.

Tinatapos ko ang aking homework ngayon sa Anaphy kasi nga balak ko sanang gumala mamayang gabi. Andito kami ngayon sa Miguel de Benavides Library dahil mas gusto ko na tahimik lang ang paligid ko kapag nagtatrabaho.

"Aly, tandaan mo nasa library tayo," Inis kong sagot. "At tsaka, diba kumain na tayo kanina?"

"Amaris, we are growing!" She pouted as she dramatically raised her arms in the air. "Normal lang na gutom ako palagi."

Napailing na lamang ako sa kaniya at 'di pinansin ang mga tingin ng ibang estudyante sa amin. Aba sino ba naman ang hindi titingin sa pinaggagawa ng baliw kong kaibigan.

"Ingay mo talaga."

Isinara ko ang aking libro at inayos ang mga gamit ko sa bag. Dahil dito ay tumayo agad sa saya si Aly.

"Sa wakas!" Napalakas niyang sabi.

Tumingin ang mga tao sa amin sa ingay ni Aly kaya napasabi ako tuloy ng mahinang "sorry po" bago siya hinila palabas.

"Gagi nakakahiya yun ah," Tawa niya pagkalabas namin.

Tumawa na rin ako kasabay niya dahil sa kahihiyan kanina. Hindi naman ako masyadong seryoso na tao para magalit ng sobra sa mga ganoong bagay. Sanay na rin ako kay Alyza.

"Oh, ano ba ang gusto mong kainin?" Tanong ko dahil gutom na rin ako.

Sa dami ng mga kainan dito sa campus ay imposible na hindi ka talaga mapapagastos. Sa huli ay pinili naming kumain sa KFC. Parang magkakapakpak na ata ako nito dahil sa panay kong kain ng manok.

"Sarap talaga ng pagkain dito," Nag-retouch si Aly ng lipstick pagkatapos naming maubos ang aming mga order.

"Tumahimik ka nga," Masaya na naman tong bruhang 'to kasi ako ang nagbayad sa pagkain namin. "Masarap talaga 'pag libre noh?"

Ningitian niya lang ako at nagpacute. Ewan at bakit ko ba natiis 'tong babaeng 'to sa loob ng 14 na taon. Pero kahit hindi ko man aminin ay parang pamilya na talaga ang turing namin sa isa't-isa.

"Babalik ka na ba sa condo pagkatapos nito?"

Inubos ko muna ang tubig sa aking baso bago nagsalita, "Oo, magbibihis lang ako tapos aalis rin para pumunta sa isang org meeting."

"Wait, you mean the organization that wants to help the less fortunate?"

Tumayo na kami at naglakad papalabas ng KFC upang magtungo sa kung saan ko pinark ang aking kotse.

"Yeah, students from other schools will be joining too."

I was not one for organizations but ever since 2 years ago I became more active in helping people.

"Aly, ayaw mo bang sumali sa org?" Napaisip siya sa aking sinabi. "Sige na, para may kasama naman akong kakilala."

Diretso lang ang tingin niya habang nagsalita.

"Hmm, I'll think about it...."

Pagkatapos niyang sabihin iyon ay biglang naging tahimik. Nagpatulog kami sa paglalakad, pinagmamasdan ang kagandahan ng aming paligid. Simula na ng paglubog ng araw kaya mas lalo kong pinagmasdan ang kalangitan habang naglalakad.

Lumingon ako kay Aly at nakitang parang may bumabagabag sa kaniya. Nakakunot ang kaniyang noo at nakatingin sa malayo. Tulala siyang naglalakad.

Agad sumagi sa aking isipan ang dahilan. Guilt. Iyon ang naramdaman ko pagkatapos ko naintindahan kung bakit siya ganoon.