ဒါရိုက်တာကြီး သွားခိုင်းလိုက်တဲ့ location နှစ်ခုက တောင်ကုန်းပေါ်က အိမ်လေးတစ်အိမ်ရယ် အဲ့ဒီတောင်ကုန်းအဆင်းနားမှာရှိတဲ့ မွေးမြူရေးခြံတစ်ခုဆီရယ်။
နေရာနှစ်ခုက နီးနီးလေးမို့လို့ ဓာတ်ပုံတွေလိုက်ရိုက်ပြီးရင်တောင် ပိုနေမယ့်အချိန်ကို တွက်ချက်ကြည့်ရင်းက အိမ်ကလေးဆီ ကားကိုဦးတည်ပြီး မောင်းလာခဲ့လိုက်သည်။
" ဒီအိမ်ထင်တယ်နော် "
" ဟုတ်မယ် "
အိမ်ကလေးက အနည်းငယ် အိုဟောင်းနေပြီဖြစ်လို့ အပြင်ဘက်မှာ ရေညှိစိမ်းစိမ်းတွေနဲ့ နွယ်ပင်အချို့စွဲကပ်နေတာကိုမြင်ရသည်။ ဒါရိုက်တာကြီးက သဘာဝကိုချစ်မြတ်နိုးသူဆိုတော့ ဒီလိုနေရာတွေကို ကောင်းကောင်းရှာဖွေတတ်ပါသည်။ အိမ်လေးက ကျဉ်းပေမယ့် ဖွဲ့စည်းထားတဲ့ပုံက ရှေးကျပြီး ဆွဲဆောင်မှုရှိတော့ ကျနော့်ဓာတ်ပုံဆရာလေးကလည်း ဓာတ်ပုံလိုက်ရိုက်နေရင်းက သဘောတကျရှိနေပုံပေါ်သည်။
" PD nim..ဒီလိုအိမ်မျိုးမှာ နေရမယ်ဆိုနေချင်လား "
အိမ်ရဲ့ပြတင်းပေါက်ကနေ လှမ်းမြင်ရတဲ့ ရှုခင်းကို ကင်မရာနဲ့ လှမ်းချိန်နေရင်းက Hyung က ကျနော့်မေးခွန်းကို စဉ်းစားနေဟန်ပြုသည်။ ပြီးနောက် စိတ်တိုင်းကျသည်အထိ နှစ်ခါ သုံးခါ ရိုက်ပြီးမှ ကျနော့်ဘက်လှည့်ကာ ပြန်ဖြေလာခဲ့သည်။
" မနေချင်လောက်ဘူးထင်တယ် "
" ဘာဖြစ်လို့လဲ "
" တစ်ယောက်တည်းနေရမှာ ခြောက်ခြားစရာကောင်းတယ်လေ "
" တစ်ယောက်တည်း မဟုတ်ဘူးဆိုရင်ရော "
" မဖြစ်နိုင်ဘူး "
ဒီနေရာကနေ ဒီထက်ပိုပြီး ဆက်မမေးတော့ဖို့သာ ဆုံးဖြတ်လိုက်တယ်။ ကျနော်ဖွင့်ပြောမယ့် စကားတွေအတွက် အဖြေကို မပြောခင်ကတည်းက ရလိုက်တာမျိုး မဖြစ်ချင်ဘူးလေ။
" ဒီမှာပြီးရင် မွေးမြူရေးခြံထဲ သွားကြမလား "
" အင်း "
မွေးမြူရေးခြံဘက်ကို ဆင်းရတဲ့လမ်းက ကျဉ်းကျဉ်းလေးမို့လို့ ကားကို အိမ်လေးဆီမှာပဲထားခဲ့ပြီး ကျနော်တို့နှစ်ယောက် လမ်းလျှောက်သွားလိုက်ကြသည်။ အိမ်ကလေးက ခပ်သေးသေးလေးမို့လို့ မွေးမြူရေးခြံကလည်း ခပ်ငယ်ငယ်ထင်ထားခဲ့တာ ရောက်သွားတော့မှ တော်တော်ကျယ်ကျယ်ဝန်းဝန်းရှိနေတာကို တွေ့လိုက်ရပါသည်။
YOU ARE READING
I hate that ' I love you '
Fanfictionကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021
