" Jungkook! ဟုတ်တယ်မလား "
ကျောင်းခန်းမအတွက် ဝယ်ရမယ့် soundbox နဲ့ တခြားတိုလီမုတ်စ ပစ္စည်းတွေကိုလိုက်ကြည့်နေတုန်း ကြားလိုက်ရတဲ့ ရင်းနှီးပြီးသားအသံတစ်ခုကြောင့်လှည့်ကြည့်မိလိုက်တဲ့အခါ Jungkook ရဲ့ နဖူးပေါ်က အရေပြား တစ်ချို့အနည်းငယ် တွန့်ကျိုးသွားကြသည်။ အလာကြီးလာခဲ့ရတဲ့ ဆိုးလ်မြို့မှာ အကြာကြီးနေမှ ပြန်တွေ့ရတဲ့သူက ဒီလူဖြစ်နေတယ်ဆိုတာ နည်းနည်းတော့မလွန်လွန်းဘူးလား။
" အစ်ကိုကြီး Park "
" တကယ်ဟုတ်နေတာပဲ Jungkook... ငါမင်းကိုတွေ့ချင်နေတာ "
ဆိုးလ်ကိုရောက်လာတော့ တစ်ယောက်ယောက်နဲ့ တွေ့ချင်စိတ်တွေတော့ ဖြစ်မိပါရဲ့။ Jimin ကိုပဲဖြစ်ဖြစ် ဒါမှမဟုတ်ရင် Hoseok Hyung ကိုပဲဖြစ်ဖြစ်ပေါ့။ အစွန်းစွန်ဆုံး ဒါရိုက်တာကြီးကိုပဲ ဖြစ်ဖြစ်ပေါ့။ ဒါပေမဲ့ အစ်ကိုကြီး Park နဲ့တွေ့ချင်စိတ်ကတော့ လုံးဝမရှိနေပါ။
" အသိလား Jungkook "
" မဟုတ်ပါဘူး "
ဘေးကသူငယ်ချင်းရဲ့မေးခွန်းကို Jungkook က ခပ်တည်တည်ပဲ ဗြောင်ငြင်းလိုက်သည်။ အစ်ကိုကြီး Park ရဲ့မျက်နှာက ကွက်ခနဲပျက်သွားတာကိုကြည့်ပြီး သူနည်းနည်းကျေနပ်သွားသည်။
" ရှေ့ကဆိုင်ကိုသွားရအောင် "
" အင်း သွားမယ် "
Jungkook က လှည့်မကြည့်တော့ဘဲ ထွက်သွားလိုက်သည်။ အစ်ကိုကြီး Park ကို လက်ခံစကားပြောရင် ဘာစကားတွေပြောဦးမှာလဲဆိုတာကို သူသိနေပါသည်။ ကိုယ်ဖြစ်ချင်တာကိုသာ ဇွတ်အတင်းဖြစ်အောင်လုပ်တတ်တဲ့သူဆီကနေ သူ့လုပ်ရပ်က ဘယ်လောက်မှန်ကန်ကြောင်း အခုဆို Jimin ဘဝက ဘယ်လိုကောင်းစားနေပြီဖြစ်ကြောင်းတွေကိုတော့ သူတကူးတက နားမထောင်ချင်တော့ပါ။
ဆိုင်မှာပစ္စည်းတွေရဲ့ ဈေးနှုန်းတွေကိုမေးမြန်းနေတုန်း Jungkook က အပြင်ဘက်ကို မသိမသာ အကဲခတ်ကြည့်သည်။ အစ်ကိုကြီး Park က အခုထိ မသွားသေးဘဲ ဆိုင်နဲ့မလှမ်းမကမ်းနားမှာ ဖုန်းတစ်လုံးနဲ့ အလုပ်ရှုပ်နေတာကြောင့် သူနည်းနည်းတော့ စိတ်ထဲထင့်သွားမိသည်။
YOU ARE READING
I hate that ' I love you '
Fanfictionကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021
