" ငါ အိမ်ရှေ့မှာရောက်နေတယ် တံခါးလာဖွင့်စမ်းပါဦး "
မနက်စောစောစီးစီး အစ်ကိုကြီး Park ရဲ့ ဖုန်းခေါ်ဆိုမှုကြောင့် ဒါရိုက်တာကြီးမှာ အိပ်ရာကနေမထချင်သေးဘဲ ကုန်းရုန်းထလိုက်ရသည်။ သူက ရှုပ်ပွနေတဲ့ ဆံပင်တွေကို ပိုပြီးရှုပ်ပွသွားအောင် ပွတ်ဆွဲမိနေရင်းကမှ အိပ်ခန်းထဲက ထွက်လိုက်သည်။
" ဘာဖြစ်လို့ပါလိမ့် "
ခြံတံခါးဖွင့်ဖို့အတွက် ခြေလှမ်းခပ်ကျဲကျဲဖြင့် လျှောက်လာရင်းကမှ Jimin ရဲ့ အခန်းရှေ့အရောက်တွင် အခန်းတံခါးကို အသာဟဖွင့်ကြည့်ကြည့်လိုက်သည်။
အပေါ်ပိုင်းအဝတ်ဗလာနဲ့ ကောင်လေးက မွေ့ရာကြီးတစ်ခုလုံးအပြည့် ကန့်လန့်ဖြတ်နေရာယူထားပြီး နှစ်ခြိုက်စွာအိပ်ပျော်နေတုန်းပင်။
" ဟူး တော်သေးတာပေါ့ "
ဒါရိုက်တာကြီးက မနေ့ညကမှ ခရီးကပြန်ရောက်လာသည်။ ရောက်ပြီးသိပ်မကြာခင်မှာပင် သူအိပ်ပျော်သွားခဲ့တာကြောင့် Jimin ဘယ်အချိန်ပြန်ရောက်လာလဲဆိုတာကို မစစ်ဆေးမိလိုက်ပါ။
Park မိသားစုက မင်္ဂလာလက်ဖွဲ့ပေးထားတဲ့ ဒီအိမ်ကြီးမှာ အချိန်ပိုင်းဝင်ထွက်ခွင့်ပြုထားတဲ့ အိမ်အကူတွေမရှိတဲ့အချိန်ဆိုရင် သူနဲ့ Jimin နဲ့နှစ်ယောက်တည်းသာဖြစ်သည်။ ဒါပေမဲ့ တစ်ခန်းထဲမှာ အတူတူမနေကြတာကတစ်ကြောင်း၊ ကိုယ့်ကိစ္စနဲ့ကိုယ် အပြင်မှာရောက်နေတာ များတာကတစ်ကြောင်းကြောင့် လက်ထပ်ပြီးကတည်းက သူနဲ့ Jimin နဲ့ အေးအေးဆေးဆေး အတူတူရှိနေရတယ်လို့ မရှိသေးပါ။
" အစ်ကိုကြီး စောစောစီးစီး ဘာများဖြစ်လို့လဲ "
" Jimin ရော "
" အိပ်နေတုန်း "
" ဘယ်မှာအိပ်တာလဲ "
" သူ့အခန်းမှာ "
" အခုထိခွဲအိပ်ကြတုန်းလား "
" ဟုတ်ပါတယ် "
အစ်ကိုကြီး Park က သိပ်မကြိုက်ဟန်ရှိသော်လည်း ဘာမှဆက်မပြောတော့ပါ။
သူတို့ကလည်း အတူတူမနေကြတဲ့အကြောင်းကို အထူးတလည်လုပ်ပြီးတော့ လျှို့ဝှက်မထားကြပါ။ ဘယ်လိုပဲဖြစ်ဖြစ် သူတို့နှစ်ယောက်က မိသားစုရဲ့စီစဉ်မှုကြောင့် လက်ထပ်ထားရတဲ့သူတွေမို့လို့ သူတို့အတွက် အထူးသဖြင့် Jimin အတွက် အချိန်တစ်ခုလိုအပ်တယ်ဆိုတာကို လက်ခံပေးဖို့လိုအပ်ပါသည်။
YOU ARE READING
I hate that ' I love you '
Fanfictionကိုယ်တကယ်ချစ်တဲ့သူကသာ ကိုယ့်ကိုနာကျင်စေနိုင်တာ.. Main OTP - Taegi * Unicode+Zawgyi * From 31st October, 2021