I hate that ' I love you '

Part : 24 💘

လေးပင်သော ခြေထောက်နှစ်စုံက ခပ်ခပ်မှန်မှန်ခြေလှမ်းတို့ဖြင့် ခန်းမကြီးထဲသို့ ဝင်လာကြသည်။ အရိုးပြာအိုးတို့ကို အစီအရီထည့်ထားသော မှန်ဗီရိုကြီးများနှင့်အတူ ခန်းမကြီး၏ အေးစက်မှုက သူတို့ကိုစီးကြိုလိုက်တဲ့အခါ သူတို့တစ်ယောက်ကိုတစ်ယောက် လှမ်းကြည့်မိကြသည်။

" နေခဲ့ပါလား Jungkook "

" ငါတစ်ယောက်တည်းသွားလိုက်မယ် "

" မဟုတ်ဘူး သွားချင်တယ် "

" Hyung ဒါပေမဲ့... "

Jungkook က သူ့စကားကိုရပ်လိုက်သည်။ ခဏစဉ်းစားသလို ခပ်တွေတွေလေးလုပ်နေပြီးမှ ခေါင်းငြိမ့်ပြလိုက်သည်။ ပြီးနောက် လာရာလမ်းသို့ ပြန်လှည့်လိုက်ပြီး ဖြည်းညင်းစွာ ထွက်သွားသည်။ 

Min PD က ဘာရယ်မဟုတ်ဘဲ ‌လျှောက်လမ်းရဲ့ ဘေးတစ်ဖက်တစ်ချက်တွင်ရှိ‌နေသော မှန်ဘီရိုတို့ကို ငေးကြည့်ရင်းလျှောက်လာလိုက်သည်။ မှန်ဘောင်တစ်ခုစီတိုင်းတွင် ကပ်ထားသော ဓာတ်ပုံတို့သည် အေးစက်ငြိမ်သက်နေသော အရိုးပြာအိုးတို့နှင့်ဆန့်ကျင်စွာ အသက်ဝင်ရယ်မောပျော်ရွှင်နေကြသော ရုပ်ပုံများဖြစ်ကြသည်။

တစ်နေရာသို့အရောက်တွင် Min PD က သူ့ရဲ့ခြေလှမ်းတွေကို တိခနဲရပ်လိုက်သည်။ သူရပ်လိုက်ရာ ထိုနေရာတွင်လည်း အများနည်းတူ အသက်ဝင်စွာ ရယ်မောနေသော ဓာတ်ပုံတွေကပ်ထားသည်။ သူ့ဓာတ်ပုံတွေလည်း ပါဝင်သည်။

" ငါလည်း ဒီလိုမျိုး ရယ်ခဲ့ဖူးတာပဲ "

Min PD က တစ်ယောက်ယောက်ကို တိုင်တည်သလို ပြောလိုက်သည်။

" မင်း မျှော်နေတယ်မလား ငါနောက်ကျသွားတယ် "

" တောင်းပန်ပါတယ် မင်းကို သတိရနေခဲ့တာလို့ ငါမပြောပေးနိုင်ဘူး "

" ငါက တစ်ကိုယ်ကောင်းဆန်တယ်မဟုတ်လား အခုမင်းကိုလာရှာခဲ့တာကလည်းလေ မင်းဆီကို ရောက်လာခဲ့တာကလည်းလေ.... "

Min PD ရဲ့ အသံက အဖျားခတ်တုန်ခါစွာဖြင့် ပြတ်တောက်သွားသည်။

" Jungkook ကို ခေါ်ပြီး ငါထွက်သွားတော့မယ် "

" အဲ့ဒါကြောင့်.....အဲ့ဒါကြောင့် Jung Hwan ရယ်... Taehyung ကိုလေ.... Taehyung ပြန်ပြီး သတိရလာနိုင်အောင် မင်းကူညီပေးပါ "