"Ano B? Are you ready for this? You dont have to if youre not ready yet."
🙄🙄🙄
Kailan pa naging importante ang opinyon ko?
Tahimik lang ako ngayon dito sa passenger seat.
Si Nanay at si Deanna naman ang nagkakaintindihan eh.
Ayaw ako isali sa usapan kanina.
Yung nagbigay si Nanay ng choices na di man lang sumangguni sa akin.
Tapos si Deanna may sagot agad? Hindi man lang namin pinagusapan muna ng sarilinan.
Hayup na yan.
Wala man lang nagtanong sa akin kung ano ang opinyon o saloobin ko.
Ayokong magturo si Deanna sa school. Tama naman si Nanay dun. Tama siya kasi lagi ko yon sinusumbong sa kanya pag nahihirapan ako pakisamahan ang Team Tanders sa faculty.
Buti na lang sa ibang subjects mas marami na ang mga batang guro kesa sa may edad na. Kaya malawak ang radar namin nila Ate Mich, Alyssa at Jia pagdating sa mga issue.
Sa department namin na lang talaga matibay-tibay 😬 ang mga nakatatanda.
Pero yun nga aalis na si Mrs. Galvez, ang pambato nila. Academic Coordinator siya at ako pa ang pinagpalang papalit.
Issue talaga siya, yung pagiging magkamag-anak namin ng pari. Tama naman kasi sila, marami ang mas deserving kesa sa akin. Ako nga din di ko alam kung bakit ako nalagay doon eh. Pero walang magkalakas ng loob magtanong kay Rector sa dahilan ng pagappoint niya sa akin.
Pero nandito na eh.
Alam ko na hilaw pa ko pagdating sa karanasan. Pero gagawin ko ang best ko para doon.
Challenge yon na nakahanda akong harapin.
😣😣😣
Naiiyak na yata ako agad.
Isa o dalawang beses lang sa isang buwan ako nagpupunta sa office ni Mrs. Galvez.
Pag magpapasa ako ng exam. Siya ang nagchecheck nun kung systematized, naaayon sa lessons na nadiscuss, kung masyadong mahirap o sobrang dali, at kung aligned ba sa curriculum, lahat yun gawain niya.
At lahat ng subject yun ah. Sa buong junior high.
Bahala na si Batman--- 😅
Bahala na pala si Lord.
Tumunog na naman ang telepono ko.
"Nobody is forcing you. I can go to your house as a friend. Kung ayaw mo okay lang talaga."
Tamang hinala na naman to na yung sitwasyon namin ang nasa isip ko.
Nagtype ako ng message,
"Dont text while driving. Mamaya na tayo magusap."
Sabi ko.
On the way kami sa San Pedro.
Siyempre napagkasunduan nila to ni Nanay. Kasi nga pinili ni Deanna na sa kanila ako titira at di na lang siya magtuturo doon.
