Unicode
လွန်ခဲ့တဲ့ နှစ်နှစ်လောက်က ရေးခဲ့တာပါ။
ယန်ချုံးက ထောင့်ဘက်က တိတ်တိတ်လေး ချောင်းကြည့်ကာ သူ့ဘေးက လူနှစ်ယောက်ကို စိုက်ကြည့်နေသည်။ သူ အသက်အောင့်ပြီး ကျိရှင်းလန်က လင်းဝေရဲ့ ဝန်ခံတာကို လက်ခံမလားဆိုတာ စောင့်ကြည့်ဖို့ ပြင်ဆင်နေချိန်မှာ ကျိရှင်းလန်က ရုတ်တရက် ကြည့်လာခဲ့သည် ။
ငြိမ်သက်စွာကြည့်နေတဲ့ ယန်ချုံးက ထိတ်လန့်သွားသည်။ သူ အမြန်ပြန်ပုန်းလိုက်ပြီး အချိန်အတော်ကြာမှ သတ္တိရှိရှိ လှုပ်ရှားသွားခဲ့သည်။
ကျိရှင်းလန် သူ့ကို မြင်လိုက်လားမသိဘူး ။
ယန်ချုံးက ကျိရှင်းလန် လင်းဝေရဲ့ရည်းစားစာကို ယူလိုက်လား မယူလိုက်လား အမြန်သိချင်နေပေမယ့် ကျိရှင်းလန် သူ့ကို သတိပြုမိမည်ကို စိုးရိမ်သဖြင့် စောင့်ကြည့်ဖို့က အဆင်မပြေပေ။ ဒါကြောင့် သူက နံရံထောင့်နောက်ကွယ်တွင်သာ မသိမသာ ပုန်းနေနိုင်သည်။
အသက်အောင့်ပြီး နံရံကို ကပ်ကာ ပုန်းအောင်းဖို့ အတတ်နိုင်ဆုံး ကြိုးစားခဲ့သည်။ အချိန်အတော်ကြာအောင် စောင့်ဆိုင်းပြီးနောက် လှေကားမှ ရွေ့လျားလာနေသည့် အသံကို မကြားရဘူး။ ဒါနောက် နံရံထောင့်ဘက်က ချောင်းကြည့်ပြန်သည်။ ဒီတစ်ကြိမ်မှာတော့ သူ့ခေါင်းတစ်ဝက်လောက်က ထောင့်ကနေ ထွက်သွားတယ်။
ထိုအချိန်တွင် ကျိရှင်းလန်က လှည့်မကြည့်လာတော့ပေ။
လင်းဝေရှေ့မှာ ရပ်နေရင်း သူ့လက်ကို အိတ်ကပ်ထဲ ထည့်ထားလိုက်သည်။ သူ့အမူအရာက တည်ငြိမ်နေပေမယ့် လင်းဝေရဲ့လက်ထဲက စာက ပျောက်ကွယ်သွားခဲ့ပါပြီ။
ဒါကို ယန်ချုံး မြင်တဲ့အခါ ကျိရှင်းလန် စာကိုယူထားပြီးသားဆိုတဲ့ အဖြေတစ်ခုထွက်လာတယ်။
ရှုပ်ထွေးပွေလီတဲ့ ခံစားချက်တွေက သူ့ရင်ထဲမှာ လှုပ်လှုပ်ရှားရှား ခံစားရတယ်။ သူ ထွက်သွားချင်ပေမယ့် လှည့်ကြည့်လိုက်တော့ သူ့ရှေ့မှာ ကြီးကျယ်ခမ်းနားတဲ့ နှင်းဖြူဖွေးဖွေး မျက်နှာလေးကို ရုတ်တရက် တွေ့လိုက်ရတော့ အံ့သြသွားတယ်။
YOU ARE READING
Omega အဖြစ်ကူးပြောင်းပြီးနောက် ကျွန်တော့် ရန်သူရဲ့အမှတ်အသားပေးတာကိုခံလိုက်ရတယ်
RomanceName - After Transmigrating Into an Omega, I Was Marked by the Enemy Type - Web Novel (CN) Author(s) - 十权 Mm. trans - Karry phyo + Khat Status in COO - 115 chapters +11 extras (complete) Creadit to original author and english translater. #novel upd...