The Billionaire's Fiance (Completed)

Chapter 4: Coffee

Nang makapasok ako sa kompanya na pinagtratrabauhan ko ay kaagad akong nag-ayos ng aking lamesa, ganoon din ang aking mga office mates na nagkanya-kanyang ayos ng mesa.

"Bakit naman mukhang hindi ka na naka-earphones this time?" Sanay na sanay kasi silang nakikita akong laging naka-earphones. Nagulantang ako nang umupo si miss Aile sa tabi ko saka nag-aalalang tumingin sa akin. "Bakit para kang pinagbagsakan ng langit at lupa? Okay lang ikaw?"

Napansin kong napatingin narin sa akin ang dapawang lalaking kasamahan ko sa trabaho na para bang nag-aalala sila sa akin. I smiled at miss Aile and to the guys. Miss Aile was way older than me for more than 10 years, unang pasok ko palang dito ay sobrang gaan ng loob niya sa akin at ganoon din naman ako sakanya. Akala ko rin na aayawan ako ng mga kasama ko rito pero hindi naman, I just never expected that they're too kind for me like I am very fragile.

Tumango nalang ako saka ngumiti kahit hindi naman totoong ngiti iyon. "Pagod lang kasi ako kakagala kahapon tapos hindi agad ako nakatulog tsaka nakalimutan kong kinuha ang earphones ko."

Sabi ko nalang. Lahat naman ng sinabi ko ay totoo. Hindi ko kinuha ang earphones ko kasi nakalimutan ko talaga tsaka hindi talaga ako nakatulog kagabi dahil sa offer ng Senator na iyon.

Marahang tinapik ni miss Aile ang balikat ko saka ngumiti. "Kung kailangan mo ng kausap, nandito lang ako, hmm?"

Doon na lumabas ang mataos kong ngiti. Kahit papaano ay lumuwag ang damdamin ko sa sinabi niya. "Salamat Miss Aile."

"Nako, ikaw talagang bata ka, tinatawag mo pa talaga akong Miss samantalang matagal na tayong magkakilala. Kahit ate nalang para mukha akong kapatid mo, ganda mo eh." Aniya saka kinurot ang pisngi ko. "Kung lalaki ako baka niligawan na kita."

Natawa ako sa huli niyang sinabi. "Si ate talaga, pambihira."

"Oh ayan, napangiti na kita."

"Huy, 'wag na kayong mag-marites diyan mga marisol!" Tila nagmamadaling sabi ni kuya Kyle na kakapasok lang sa office. "Paparating na ang ating boss. Umayos kayo." Aniya saka dumiretso sa kanyang mesa at nag-ayos. Kaagad narin kaming nag-ayos at tumayo para salubungin ang nagmamay-ari ng YSIA Group Company.

Balita ko na sobrang strict ng aming boss at totoo nga, pero hindi naman totoo ang sabi-sabi na matanda siya kasi mukhang nasa early twenty's na.

Enzo Ivan Gile, that's our boss' full name. Bagay na bagay sakanya. Balit ko na kada taon siyang bumabalik dito sa Pilipinas para magtrabaho tapos babalik narin kaagad sa ibang bansa. Kanina lang nasabi na dito na daw mag-i-stay si boss dito kaya kabahan na kaming lahat. Napapatakbo naman ng maayos ang kompanya niyang ito kahit hindi pa siya pumasok dahil narin madalas pumunta rito ang nanay ni boss.

Hindi talaga kasi ako matagal dito. Kakapasok ko lang nine months ago bilang intern dito kaya ngayon ko lang nakita si boss.

"Nakakainis naman, akala ko magiging akin na 'yong posisyon na iyon, eh." Sabi ni ate Aile, halata ang lungkot sa tuno ng boses niya. Ilang taon nalang kasi si ate Aile na naghihintay sa posisyong chief secretary ni Mister Gile.

"Kape mo ate." Ibinigay ko sakanya ang tinimpla kong kape niya na agad naman niyang hinigop pero mukhang lutang parin dahil nainitan talaga ang dila niya, agad ko naman siyang binigyan ng malamig na tubig.

"Salamat."

Pinanuod ko siyang uminom ng tubig. Hindi ko man nakikilala ang bagong chief secretary ni Mr. Gile. Mukha naman siyang mabait at sincere pero naaawa narin ako kay ate Aile, hinintay niya talaga na mapasakanya ang posisyon na iyon para lumaki ang sahod kasi siya ang bread winner sa pamilya nila. May mga kamag-anak narin siyang pinapaaral.