The Billionaire's Fiance (Completed)

Chapter 10: Time

Huling araw kong kita kay Finn ay simula noong sinabihan ako na gusto niyang seryosohin iyong amin.

Nagtatampo ako, oo, kasi hindi man lang siya nagpaalam kung saan pupunta, maya't-maya kasi noong umamin siya na gustong seryosohin ang engagement namin ay may tumawag sakanya at mukhang urgent kaya hinatid ako sa bahay niya then umalis pagkatapos.

Hindi siya bumalik kinabukasan hanggang sa naging tatlong linggo wala parin, ewan ko lang sakanya kung uuwi siya ngayon. Magtatampo talaga ako kasi baka hindi na siya uuwi. Baka hindi niya alam pero hindi naman importante na magkaroon ako ng birthday party at okay lang sa akin kung hindi niya alam, ang mahalaga ay masaya ako sa araw na iyon.

Isa pa, hindi ko kailangang mag-alala dahil araw-araw ko na siyang nakikita sa mga news channel. He's so dedicated with his job and the face was serious while talking with the other senators and some house representatives.

They've been talking about filing bills. Also the budget, on how the senators are going to help determine how the governments spends public money based on the national budget, etcetera.

Bumaba ako at dumiretso sa kusina, namataan ko si Myrna at iyong iba na busy naghuhugas ng mga maraming pinggan.

"Good morning guys, para saan iyan?"

"Ay jusko!" Napatalon si Myrna dahil sa gulat noong sumulpot ako. "Sorry ma'am, ginulat niyo 'ko eh. Kakabili po pala eh gusto ni sir senator na madagdagan mga collection niya ng pinggan." Sabi niya saka tinakpan ang bibig.

"Mahilig siya mangolekta ng pinggan?"

"A-Ah, opo!" Sabi niya at nagpunas ng kamay. "Meron akong pagkaing hinanda dito, kumain ka na muna ma'am bago ka pumunta sa pinagtatrabahoan ninyo."

Tumango ako at umupo, inaya ko silang kumain pero tapos na raw ang lahat, ako lang ang hindi pa kumakain kaya ako na ang nagsandok ng kaunting kanin.

Hindi sana ako kakain kaya lang masarap naman ang luto ni Myrna. Balak ko magpaturo sakanya kung paano pero araw-araw ko naman siyang nakikitang busy. Minsan nga ay naabutan ko siyang nakikipag-usap sa driver na pabebe pa kung makapagsalita. Baka active na s*x life nitong si Myrna ha? Kailan kaya kami ni Finn?

Joke! Baka pagalitan na naman ako non kapag binanggit ko iyon.

Ewan ko nalang sa sarili ko at nagtagal pa ako dito ng tatlong linggo kung pwede namang umalis ako kaagad, napagdesisyunan ko nga na aalis ako at babalik sa dating tirhan kapag nakausap ko si Finn.

I'm certain na gusto niya lang magseryoso pero may hangganan. Takot ako na mas mapalapit pa ako lalo ay mahihirapan akong mag-adjust kung saka-sakaling mayroon siyang matitipuhan na babae na mas maganda kaysa sa akin, iyong kaedad niya.

Malapit na kasi akong maniwala sa sinabi ni Finn na gusto niyang seryosohin iyong engagement namin pero sa tatlong linggo na iyon parang ayaw ko maniwala. Umaasa kaya ako ngunit parang mali.

Tsaka busy iyon sa trabaho, di ko pa nga alam kong baka nakikitulog sa girl niya, malay ko at baka may babae na iyon? Hayy!

"Euphoria?" Nag-angat ako ng tingin sa aming Director nang tinawag ako.

"Po?"

Inilagay niya ang papeles sa mesa ko tsaka iyon tinuro habang nakatingin sa akin. Hindi naman ako nailang kasi ganito talaga siya, laging galit sa mundo eh.

"Give the files to our President, right now for him to sign."

Tumango ako at sinuot ang heels ko. Kung uupo kasi ako ay tinatanggal ko na para mabawasan ang sakit ng paa.

Diretso ako sa tapat nang pinto at kumatok dahilan para napatigil ang dalawa sa loob. Huli ko narealize na nag-aaway sa loob ng opisina ang chief secretary namin at si President.