Unicode~
(OST - "That should be me" by Justin Bieber)
၁၈၆၁ ခုနှစ် ဆောင်းကာလသို့ရောက်လာသည်။
အတ္တလန်တာမြို့ကြီးက အရင်လို လှုပ်ရှားသက်ဝင်ဆဲ။
ယန်ကီပိတ်ဆို့မှုတွေ များလာပြီး အဝတ်အထည် စားစရာတွေ ရှားပါးစျေးကြီးလာသည့်တိုင် တောင်ပိုင်းသားတို့ မာန်ကိုမချသေး။
ယန်ကီတပ်ကြီး ခြေတစ်လှမ်းလောက်ဆုတ်ရတိုင်း ပြည်နယ်ဗိုလ်ချုပ်ကို ဘုရားသခင်လို အားကိုးကြသည်။
စစ်ပွဲအခြေက သူမသာ ကိုယ်မသာရယ်၊ ယခင်ကလို ယန်ကီတွေကို လပိုင်းနဲ့ အပြတ်တိုက်မယ်ဆိုပြီးလည်း အသံကောင်းမဟစ်နိုင်တော့။
ယန်ကီတွေကို လျှော့မတွက်ရဲတော့..ယန်ကီဗိုလ်ချုပ်က ထင်သလောက်မလွယ်။
ဤသို့ဖြင့် ဆောင်းလေအေးအေးကာလမှာ နာတာလူးပွဲတော်ရာသီသို့ ရောက်လာသည်။
ဒီဇင်ဘာလက အသည်းခိုက်မတတ်ချမ်းသည်။
နယူးယော့ခ်က သိုးမွေးထည်တွေက ၀ယ်ရခက်သည်၊ အင်္ဂလန်က အထည်တွေကလည်း တော်တော်နဲ့မရောက် ရောက်ရင်လည်း ၀ယ်ဖို့မတတ်နိုင်လောက်အောင် စျေးကြီးသည်။
ဝါရှင်တန်လမ်းက အိမ်ကြီးရဲ့ စားဝတ်နေရေး ဟူသမျှတို့သည် Jeonခေါင်းပေါ်သို့ ကျလာသည်။
ဒီလိုခေတ်ပျက်ကြီးထဲမှာ အိမ်ကလူတွေ လောက်လောက်ငှငှစားနိုင်သောက်နိုင်ဖို့၊ အမျိုးသမီးတွေ တင့်တင့်တယ်တယ်ဝတ်နိုင်ဖို့ သူ့မှာတာဝန်ရှိသည်။
"Jeon...နာတာလူးပွဲတော်အတွက် Suzanတို့ မှာထားတာတွေ ပါခဲ့ရဲ့လား"
"ကိုယ် မြင်းရထားပေါ်တင်ခဲ့တယ်...ဪ ပြောတုန်းဆိုတုန်း ဦးလေးကြီး သယ်လာပြီ"
တံခါးကို မှီရပ်ရင်း မြင်နေရတဲ့ မြင်ကွင်းက နည်းနည်းမှ စိတ်ကြည်သာစရာမရှိ။
နာတာလူးပွဲတော်အတွက် လူတိုင်းအလုပ်ရှုပ်နေသည်။ ထိုအထဲမှာမှ Suzanက ယောက်ယက်အခတ်ဆုံး။
နာတာလူးပွဲတော်အတွက် ရှေ့တန်းထွက်နေသူတွေ ခွင့်ရက်အနည်းငယ်ရသည်။
အိမ်တိုင်းမှာ ယောကျ်ားသားတွေဆူဆူညံညံ။
တချို့ စစ်ဗိုလ်ငယ်လေးတွေက ကိုယ့်အဆက်ကို ပြန်တွေ့ရပြီး ပိုးပန်းကြသည်။
ကံကောင်းလျှင် ခွင့်ရက်အတွင်း လက်ထပ်နိုင်ကြသည်။
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
