Unicode~
မေလရဲ့ နွေးနွေးထွေးထွေး မနက်ခင်းလေးမှာ Jeon JungKook တစ်ယောက် သိပ်အလုပ်ရှုပ်နေသည်။
မျက်နှာချင်းဆိုင်အခန်းက ချာတိတ်မှာ မနိုးလာသေး။ ချာတိတ်မနိုးခင် သူအိမ်ကနေ ထွက်ရမည်။
သွားစရာ၊ စုံစမ်းစရာ တသီတသန်းကြီး၊ မရရတဲ့ အချိန်လေးမှာ ခိုးကြောင်ခိုးဝှက်သွားရမှာမို့ လွဲချော်လို့မဖြစ်။"Mr. Jeon ဒီနေ့ စောလှချည်လား"
"အလုပ်လေးတွေ များနေလို့။ ချာတိတ်နိုးလာလည်း အဲ့လိုပဲပြောလိုက်ပါနော်"
ပြောင်းဆန်ပေါင်မုန့်ကို သကြားမပါတဲ့ ကော်ဖီနဲ့ မြိုချလိုက်ပြီး စားတော်ပဲစွပ်ပြုတ်ကို တစ်ကျိုက်တည်း မော့သောက်လိုက်သည်။
သူ့မှာ အရသာခံဖို့ အချိန်တွေပိုမနေ။အိမ်ရှေ့ ခြံတိုင်မှာအဆင်သင့်တွဲချည်ထားသော မြင်းညိုကြီးပေါ် တက်ပြီး မြင်းရဲ့ ဝမ်းဗိုက်ကို အသာလေး ကန်လိုက်တော့ မြင်းက ပြေးရှာသည်။
မြို့ထဲက ပျော်ပွဲစားရုံကို မြင်းညိုကြီးက ဒုန်းစိုင်းနှင်နေသည်။
စားနပ်ရိက္ခါရှားပါးနေတာမို့ လူတွေက ဇွဲကောင်းကြသည်။ မနက်စောစောမှာတင် သွားလာလှုပ်ရှားသူတွေက အပြည့်။
ကုန်တိုက်မှာပင် ဝယ်ယူကြသူတွေက တန်းစီလျက်။၁၅မိနစ်လောက်ကြာတော့ နာမည်ကြီးသည်ဆိုသော ပျော်ပွဲစားရုံကို ရောက်နေသည်။
Kofiဆိုသော ကပ္ပလီကြီးက ဒီမှာအလုပ်လုပ်နေတာဖြစ်ရမည်။
ဒီမှာကျွန်ဖြစ်နေဖို့ဆို တစ်ယောက်ယောက်က ရောင်းသွားလို့ပင်ဖြစ်ရမည်...ကျွန်ရောင်းကျွန်၀ယ်လုပ်တယ်ဆိုတာ တောင်ပိုင်းလူကုံထံတွေအတွက် မထူးဆန်းတဲ့ကိစ္စ။"ဘာမှာမလဲ Mr. မနက်စောစောဆိုတော့ ဟင်းအမယ်တော့ မစုံသေးဘူးခင်ဗျ"
လာဧည့်ခံနေတဲ့ စားပွဲထိုးလေးက ကပ္ပလီကျွန်ပေါက်စလေး။
ဆိုင်မှာရတဲ့ အစားအစာတွေကို ကြက်တူရွေးစာအန်သလို တတွတ်တွတ်ရွတ်ပြနေသည်။Jeon JungKookသည် နားထဲကြားမိတဲ့ အစားအစာ၂မျိုး ၃မျိုးလောက်ကိုသာ မှာလိုက်သည်။
ဆိုင်အခင်းအကျင်းက သပ်သပ်ရပ်ရပ်၊ အစားအသောက်ကို အဓိကထားရောင်းပြီး ညဘက်ဆို စင်တင်တေးဂီတတွေရှိဖူးပေမယ့် ပြည်တွင်းစစ်ကြောင့် မရှိတာကြာပြီဟု ဆိုသည်။
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...