Unicode~
(Ost - "Until I found you" by Stephen Sanchez)
အညိုရောင်စာအုပ်လေးက တွန့်ကြေနေပေမယ့် သပ်သပ်ရပ်ရပ်။
စစ်တွင်းကာလမှာ သေသေချာချာ တယုတယသိမ်းထားပုံအထင်အရှား။
ပထမဆုံး စာရွက်နှစ်ရွက်က မရှိ။ တစ်ယောက်ယောက် ဖြဲယူထားဟန်တူသည်။
အင်း...Jeon ကိုယ်တိုင် ဖြဲယူထားခဲ့တာ ဖြစ်လိမ့်မည်။
ဒီဒိုင်ယာရီလေး ဖတ်ဖို့အရေး သူ့စိတ်တွေက ခုန်ပေါက်နေသည်။
သူဟာ Jeon အကြောင်းကို ပြည့်ပြည့်စုံစုံမသိခဲ့သူ၊ အခုသိခွင့်ရတဲ့အချိန်က သိပ်ကိုနှောင်းနေပြီဆိုရင်တောင်...
"ဂျော်ဂျီယာက နှင်းဆီသို့..."
ဟူ၍ အစချီထားသော စာရွက်နှစ်ရွက် စုတ်ပြဲနေတဲ့ ဒိုင်ယာရီ..။
____
လွန်ခဲ့သော တစ်နှစ်ကျော်က...
ကြုံရာရထားတစ်စီးပေါ် တက်စီးလာသော Jeon.
သယ်ယူလာသော သားရေသေတ္တာကြီးနဲ့ လက်ဆွဲအိတ်လေးတစ်လုံးကလွဲရင် ကျန်တဲ့ပိုင်ဆိုင်မှုရယ်လို့မရှိ။
လက်ထဲမှာတော့ ပြည်ထောင်စုဒေါ်လာအနည်းငယ်ရှိသေးသည်။
တိတ်ဆိတ်ငြိမ်သက်စွာဖြင့် ရထားပေါ်ထိုင်လျက် ပါလာသည်။
ရထားစီးနေကြသူတွေထဲ သူ့အသိမိတ်ဆွေရယ်လို့မပါ။
အင်း... ရထားက ဘယ်ကို သွားနေတာပါလိမ့်။
ခြေဦးတည့်ရာ သွားနေရတာမှန်း သိသာချက်ကတော့။
"ဒါနဲ့ ဒီရထားက ဘယ်ကို သွားနေတာလဲ"
ဘေးနားထိုင်နေတဲ့လူကို မေးသည်။
ထိုလူက ဆေးပြင်းလိပ်ကို ပါးစောင်မှာ ခဲထားပြီး တစ်ချက်တစ်ချက် ဖွာနေသည်။
သူမေးတော့ လှည့်ကြည့်လာသည်။
နေလောင်ထားတဲ့ အသားညိုညစ်ညစ်နဲ့ ခပ်ကြမ်းကြမ်းလူ..
"ဂတ်တီစဘတ်ကို သွားနေတာလေ။ ဟိုမှာ တပ်သားအသစ်တွေအရေးပေါ်နေပြီ။ မင်းလည်း တပ်ထဲလိုက်မလို့မလား"
"ဗျာ..."
သူခဏတော့ တွေဝေသွားရသည်။
သူ့အခြေအနေသူ ပြန်စဥ်းစားတော့ သူဟာ ဂျော်ဂျီယာကနေ ပြည်နှင်ဒဏ်ပေးခံရတဲ့ လူတစ်ယောက်သာသာ။
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
