Unicode~
နှင်းဆီမြိုင်သခင်မကြီးရဲ့ ကိုယ်ဝန်က တဖြေးဖြေးလရင့်လာပြီ။
နေထိုင်လို့ သက်တောင့်သက်သာ မဖြစ်တော့။
အိမ်အလုပ်တွေမှာ ဦးဆောင်လို့လည်းမရတော့။
ကိုယ်လေးလက်ဝန်စဖြစ်တည်းက သားအိမ်ပါးတာကြောင့် ဂရုတစိုက်နေရရင်းက တရှောင်ရှောင်ဖြစ်လာသည်။
"အန်တီလေး...Joannaကို ဆံကျစ်ကျစ်ပေး"
"မေမေနေမကောင်းဘူး။ ကိုကိုလေး ကျစ်ပေးမယ်"
ကုတင်နောက်မှီကို ခေါင်းအုံခံပြီး မှီထားသူ သခင်မကြီးမှာ နှုတ်ခမ်းတွေလည်း ဖြူစုတ်နေသည်။ ကောင်းကောင်း ခေါင်းမထောင်နိုင်။
ဒါကို Joannaက ဟိုခိုင်းဒီခိုင်း လာလုပ်နေသည်ကို Taehyungလေးမှာ သည်းမခံနိုင်။
"ဟွန့် ကိုကိုလေး ကျစ်တာကလှမှမလှတာ ပြီးတော့ ခဏလေးနဲ့လည်း ပြေကျသေးတာ"
"ဒါတော့ ကိုကိုလေးက ယောကျ်ားလေးလေ။ ဘယ်ကျစ်တတ်ပါ့မလဲ။ အခုလည်း မေမေက နေမကောင်းလို့သာ.."
"ကိုကိုလေးက သိပ်တွန့်တိုတာပဲ"
"Joannaဘာသာ ကပ္ပလီတွေကို သွားကျစ်ခိုင်းပါလား။ ဘာလို့ နေမကောင်းတဲ့ မေမေ့ကို လာခိုင်းနေရတာလဲ"
၂နှစ်လောက် အတူနေပြီနောက်မှာ Taehyungလေးဟာ Joannaအပေါ် သည်းခံနိုင်စွမ်းကုန်လာခဲ့ပြီဖြစ်သည်။
အသက်လေးငယ်သလောက် စိတ်ဓါတ်အကျည်းတန်သော Joannaကို Taehyungလေး မချစ်ချင်။
Taehyungလေး မဆိုထားနှင့်...ကပ္ပလီကျွန်များတောင် Joannaခိုင်းတာဆို မလုပ်ပေးချင်ကြ။
အိမ်မှာ မောင်နှမနှစ်ယောက်ကို စာလာပြတဲ့ ဆရာမကလည်း Joannaကလန်ကဆန်လုပ်သမျှကို စိတ်ကုန်နေလေပြီ။
အထူးသဖြင့် သူ့အချစ်တော် Taehyungလေးကို လွန်လွန်ကျူးကျူးဆက်ဆံလာလျှင် ဒီကလေးမကို သူစာဆက်မသင်ချင်တော့။
စာမသင်တော့ဖို့ သခင်ကြီးတို့ဆီငြင်းတိုင်း သခင်ကြီးတို့က လက်မခံ။ တူမလေးကို သမီးလေးလို သဘောထားကြပြန်သည်။
ကြာတော့ သည်းခံလွန်းတဲ့ Taehyungလေးပါ ဆက်သည်းမခံနိုင်တော့။ အထူးသဖြင့် မေမေ နေမကောင်းတဲ့အချိန်မှာ ခိုင်းနေတာက လွန်လွန်းသည်။
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
Fan fikciaTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
