"ကျန့်ကော.. ရှောင်မား..။"
၀မ်ရိပေါ် ခြံရှေ့မှ အသံပေးလိုက်ခြင်းဖြစ်သည်။ သူရောက်သည်မှာ ည ၉နာရီထိုးလုနီးနီးအချိန်ဖြစ်၏။ အလုပ်ထဲ ရှောင်ယွီနှင့် အလုပ်လုပ်ရင်းအချိန်ကုန်သွားခြင်းဖြစ်သည်။ အလုပ်ပြီးချိန် ရှောင်ယွီမှ Bar ကိုသွားရန်ပြောသော်လည်း ၀မ်ရိပေါ် နောက်တစ်ခေါက်ပေါ့ဟုဆိုကာ အကြောင်းပြခဲ့သည်။ လမ်းမှာ ရှောင်မားအတွက် သင့်တော်မည့်လက်ဆောင် ၀င်၀ယ်ခဲ့သေးသည်။
"အယ်.. သားလေးရိပေါ်.. လာလာ အိမ်ထဲ၀င်..။ မင်းအစ်ကိုတော့မရှိဘူးကွဲ့.. လင်းအာလာခေါ်သွားတယ်။ "
"လင်းဝေကောကိုပြောတာလား။ ဘယ်သွားမယ်ပြောသွားသေးလဲ။ ကျွန်ေတာ်အလုပ်ထဲအပြန်၀င်လာတာ..။ဒီမှာ ရှောင်မား အတွက် လက်ဆောင်၀ယ်လာတယ်။ ကြိုက်ရဲ့လားတော့မသိဘူး။"
ရှောင်ကျန့် မရှိဘူးဆို၍ ၀မ်ရိပေါ် စိတ်ထဲအနည်းငယ်မကျေမနပ်ဖြစ်သွားသည်။ ဒီက သူ့ကိုအံ့သြသွားအောင် တမင် ဖုန်းမဆက်ပဲလာခဲ့ခြင်းဖြစ်၏။
"ဟုတ်တယ်. သူငယ်ချင်းတွေမတွေ့ရတာကြာပြီဆိုတော့ ပါသွားလေရဲ့။ သားရယ် လက်ဆောင်တွေမလိုပါဘူး။ လူလာရင်ပဲ မားက ကျေနပ်ပါပြီ။ သားအစ်ကိုလည်း နောက်မကျဘူးပြောတယ်..ပြန်လာခါနီးပါပြီ။ "
"ရှောင်မား... ကျန့်ကောကို ကျွန်တော့်ပေးပါ။ တစ်သက်လုံးပျော်ရွှင်အောင်ထားပါ့မယ်လို့ ကတိပေးပါတယ်...။"
အိမ်ထဲရောက်သည်နှင့် ၀မ်ရိပေါ်ဒူးထောက်ထိုင်ချကာပြောလိုက်သည်။ ရှောင်းမားက ပုံစံကအံ့သြသွားဟန် မဖြစ် တာမို့ ၀မ်ရိပေါ် ထူးဆန်းသွားမိသည်။ ကြိုတင်ဒူးထောက်ထားခြင်း၏အကျိုးလားဟု ၀မ်ရိပေါ်တွေးမိလိုက်၏။
"သားလေးရယ် အဲ့လိုတွေလုပ်ဖို့မလိုပါဘူး။ သားကျန့်ပြောပြလို့ မားသိပြီးပါပြီ။ လာ ..မားနားကို လာထိုင်ပါဦး ကလေးရယ်..။"
" မား ကျန့်ကောကိုပေးပါနော်..။ ကျွန်တော်တို့ကို မခွဲပါနဲ့နော်....။"
အိုး..ဒါကြောင့်ကိုးဟု ၀မ်ရိပေါ် စိတ်ထဲမှပြောလိုက်သည်။ သူ့လက်လေးကိုဆွဲထူကာ အနားထိုင်ခိုင်းလာသည့် ရှောင်မားကို မျက်နှာငယ်လေးဖြင့်ပြောလိုက်၏။ နော် ချင်းထပ်နေသည့် သူ့ပုံစံကို ပါးပါးတွေ့လျှင် ၀မ်ရိပေါ် ပညာတွေ သုံးနေပြီဟု ပြောမှာကျိန်းသေသည်။
YOU ARE READING
The Edge of Shored (Completed)
FanfictionThe Notebook season 2ကို အပိုင်းအနည်းငယ်ပဲဖြစ်ဖြစ်ရေးပေးပါလို့ တောင်းဆိုထားကြလို့ ဒီတစ်ခါကိုယ်က စာဖတ်သူလေးတွေကို အလိုလိုက်ပါ့မယ်။ သဘာဝလွန်ဖြစ်ရပ်လေးဖန်တီးထားပါတယ်။ The Edge Of Shored လို့နာမည်ပေးထားပါတယ်။ YiZhan လေးပါနော်။ကြိုးစားထားတာလေးကိုနှစ်သက်...
