༒︎ 𝗨𝗻𝗶𝗰𝗼𝗱𝗲 ༒︎
"မင်းနဲ့ငါ အတူတူ သေကြရအောင်... အောင်ဆွေ"
ရှိသမျှအင်အားတွေကို ခြေထောက်မှာစုပြီး သူ့ခန္ဓာကိုယ်အားနဲ့ နောက်ဆုတ်တွန်းလိုက်သောအခါ သူအဲ့လိုလုပ်လိမ့်မည်ဟု မမျှော်လင့်ထားသော ကိုအောင်ဆွေက ဟန်ချက်ပျက်ကာ ချောက်ကမ်းပါးဆီသို့ သူနဲ့အတူ နောက်ဆုတ်ပါလာလေသည်
"မင်း..."
ကိုအောင်ဆွေက လက်ထဲက သေနတ်နဲ့ သူ့ကိုပစ်ရန်ကြိုးစားပေမယ့် သူက လက်ဦးမှု ရယူပြီးသွားတဲ့နောက် အားနဲ့ နောက်ပြန် လှန်ချလိုက်တဲ့အတွက် အခွင့်မသာတော့ဘဲ ချောက်ကမ်းပါးအစွန်းကနေ မြစ်ထဲသို့ အရှိန်ဖြင့် နှစ်ယောက်သား လုံးထွေးကာ ကျသွားကြလေတော့သည်
"အား..."
အောင်ဆွေရဲ့ အံဩတကြီး အော်လိုက်တဲ့အသံက သူ့နားထဲမှာ နားဝင်ချိုလှတာကြောင့် မျက်စိလေးမှိတ်ကာ ပြုံးမိလိုက်သည်
အရှိန်နဲ့ထိုးကျနေတဲ့ သူ့ခန္ဓာကိုယ်လေးက ရေပြင်နဲ့မထိခင် သူ့အတွေးထဲမှာ ကိုမိုးခမ်းရဲ့ ပုံရိပ်လေးများသာ ရစ်ဝဲနေသည်
ဗွမ်းကနဲမြည်သံနဲ့အတူ သူ့ခန္ဓာကိုယ်တစ်ခုလုံး စိုစွတ်အေးစက်သွားကာ ရေထုထည်ထဲသို့ နစ်မြှပ်သွားပြီး စီးနေသော ရေအလျင်အတိုင်း လိုက်ပါသွားရသည်
အာရုံငါးပါးဟာ လောကကြီးနဲ့ အဆက်အသွယ်ပြတ်တောက်သွားပြီးတဲ့နောက် သူ့ရဲ့စိတ်ဟာ တကယ်ပဲ ငြိမ်းချမ်းသွားကာ လွတ်မြောက်ခြင်းတစ်မျိုးဟာ သူ့ဆီ စီးဝင်လာခဲ့တယ်
.
.
.
.
.
သုံးနာရီခန့် ကြာပြီးနောက်....
"အဟွတ်... အဟွတ်..."
အဆုပ်အတွင်းမှ ရေများ အပြင်သို့ထွက်သွားသောအခါ မွန်းကြပ်လှသော ဒဏ်မှ လွတ်မြောက်လာသော သူတစ်ဦးကဲ့သို့ နှာခေါင်းဝရောက်လာသော လေကို အသည်းအသန်ရှိူက်ကာရှူသွင်းရင်း အမောဖြေနေရသည်
ပက်လက်အနေအထားနဲ့ တစ်ကိုယ်လုံးစိုရွဲနေတာကြောင့် အေးစိမ့်နေသော ဒဏ်ကလည်း မေးရိုးများကိုတောင် တဆတ်ဆတ် တုန်ခါနေစေသည်
YOU ARE READING
မျက်နှာများတဲ့ လိပ်ပြာ (𝐂𝒐𝒎𝒑𝒍𝒆𝒕𝒆𝒅)
General Fictionချစ်ခြင်းမေတ္တာဆိုတာ ဘာလဲလို့ မေးရင် မြတ်နိုးရသူရဲ့ လက်လေးကို ဆုပ်ကိုင်ထားခြင်းလို့ ကျွန်တော် ဖြေမယ် ဒါပေမယ့် ထိုလူသားရဲ့ လက်ထဲမှာ ဓားတစ်လက်ရှိနေခဲ့တယ် Nion (မျက်နှာများတဲ့ လိပ်ပြာ) ▁▁▂▂▂▃▃▃🦋▃▃▃▂▂▂▁▁ ခ်စ္ျခင္းေမတၱာဆိုတာ ဘာ...
