صلوا علي الحبيب المصطفى
(صلى الله عليه وسلم)
ــــــــــــــــــــــــــــــــــــــــــــ
"الـــــفـــــصـــــل الــســـــابـــــع"
في اليوم التالي
وصل كلا من ايهاب ويونس للشركة ودلفوها.....
وصله لمكان واسع مليئ بالمكاتب الخاصه بالمهندسين فكانت جميع الحوائط زجاجية فمَنْ بالخارج يرى مَنْ بالداخل، دلف كلا من ايهاب ويونس واتجه كل منهم لمكتبه فكانه بجوار بعضهم الا من مسافة بينهم.......
نزع ايهاب حقيبته الظهرية وهو يسندها علي مقعده من الخلف، بينما نزع يونس حقيبته الظهرية واخرج منها ملف وقذفه لايهاب الذي التقطه سريعًا وهو يهتف بشك:
_ملف اي ده؟؟
اجابه يونس ببسمه وهو يستند بظهره علي المقعد:
_الـ طلبته مني امبارح؟؟
_انتَ لحقت ثم انا قولتلك امبارح بليل وانتَ قولتلي هتعمله النهارده ونمت...اكمل بحاجب مرفوع...لحقت تعمله امته بقى؟؟؟
هتف بها ايهاب بتعجب بينما وضع يونس قدم فوق الاخر وهتف بتعالي:
_عملته الصبح قبل ما انزل.
اعتدل ايهاب في جلسته سريعًا هاتفًا بشك:
_انتَ لحقت تجيب المعلومات دي كلها منين؟؟
_من الاكونت بتاعها علي الفيس.
ابتسم ايهاب بحنق هاتفًا بسخرية:
_اكيد مش هتكتب كل معلوماتها الشخصية علي الفيس من ساعة ما اتولدت....اكمل وهو يبتلع لعابه بقلق....اوعى تكون عملت الـ في بالي!!!
_بالظبط عملته وهكرت الاكونت و الفون.
هتف بها يونس بهدوء ليجز ايهاب علي اسنانه بغيظ هاتفًا بخفوت:
_انتَ غبي يا يونس ولما تعرف دلوقت.
_مش هتعرف متخافش انا ظبط الدنيا المهم شوف الملف كده علي السريع.
رمقه ايهاب بغيظ سرعان ما فتح الملف وهو يجول ببصره علي المعلومات حتي توقف بصدمه وهو يهتف بذهول:
_اي ده؟؟؟؟ ابوها عنده شركات للبرمجة آمال جابتنا هنا ليه؟؟؟
اجابه يونس بجدية وهو يقترب بمقعده ذو العجل من ايهاب:
