نظرًا للتأخير فصل طويل اوي اهو مليان احداث حلوة، ومنتهي بصدمة كالعادة😂😂، وانتظره الفصل الـ بعده في اقرب وقت لحد ما اظبط الدنيا وانزل مواعيد ثابتة، اسيبكوا مع الفصل ومفاجآته.
ــــــــــــــــــــــــــــــــــــــــــــــــــــــــــــــــــــــ
صلوا على بني الرحمة
(صلى الله عليه وسلم)
ــــــــــــــــــــــــــــــــــــــــــــــــــــــــــــــــــــــ
"الــــفــصـــل الـــخــامـــــس"
#الــجـزء_الـثـانـي
#الفصل_الثلاثون
- اتأخرتي اوي يا براءة، كنتِ فين؟
هتفتها غادة بتساؤل لبراءة التي اتت منذ قليل بعدما انتهت من مقابلتها مع سند وفهم بعض الاشياء من چومانه، رمقة خالتها سرعان ما اقتربت منها وهي تضحك ببلاهة، فتعجبت خالتها من فعلتها، لتهتف براءة وهي تحمحم:
- احم بصراحة بقى يا خالتو انا كنت في زي مقابلة لشغل، أصل نويت اشتغل وكده.
استنكرت غادة حديثها هاتفة:
- وأنا كنت قصرت معاكي في حاجة يابت اختي؟!
ربتت براءة على كفيها وهتفت ببسمة:
- لا والله يا خالتو بس أنا حابه اشتغل علشان اعرف اتعامل مع الناس اكتر وكده، وكمان الشغل مش هيأثر على الدراسة ولا حاجة ده أنا هخلص محاضرات وهروحه كام ساعة وهرجع بس كده.
هزت غادة رأسها بيأس من ابنة شقيقتها بعدما اقنعتها، فهتفت بتساؤل:
- وهتشتغلي اي بقى؟
- مساعدة السكرتيرة في شركة كبيرة.
هزت رأسها بتفهم وهتفت باستنكار:
- قولتي لابوكي واخوكي؟!
هُنا واعتدلت براءة في جلستها وهتفت بحذر:
- ما أنا بصراحة كده يعني مش عايزة حد يعرف غيري أنا وانتِ وترنيم، لانهم مش هيرضوا ويمكن يقولولي ارجع وأنا مش طايقة بتنا بجد بقيت بحس بخنقة فيه، علشان خاطري يا خالتو متجبلهمش سيرة.
هتفت غادة بضيق:
- لأ ازاي دول اهلك ولازم يعرفوا، افرضي جرالك حاجة في شغلك ده اقولهم اي؟
اجابتها براءة بتوسل:
- هيجرالي اي بس يا خالتو في الكام ساعة دول، متقلقيش والله هبقى بخير، علشان خاطري بقى مش عايزة تشوفيني فرحانه؟
اجابتها بحيرة:
- عايزة يابنتي بس...
قاطعتها براءة وهي تحتضنها هاتفه بسعادة:
- مفيش بس في اتفقنا وده سر بينا يا خالتو ياقمر.
