Step 1.3
Sparks"ကိုလင်း! ကိုလင်း!"
"ဟင်"
"ခေါ်နေတာကြာလှပြီ ဘာတွေတွေးနေတာတုန်း"
"ဘာမှမဟုတ်ပါဘူး။ ဒီလိုပါပဲ"
"ရေသောက်ဦးမလားလို့"
"ဪ အင်း .... သောက်မယ်လေ"
လင်းမှာ အာရွန့်အသံကြားမှ အတွေးနယ်ချဲ့ရာက လက်တွေ့နှင့် ပြန်လည်ချိတ်ဆက်မိသွားခဲ့၏။ အခုတလော လင်းမှာ အတွေးများစွာ ရှိနေတာ အမှန်ပင်။
အတွေးက အရင်ကတည်းက ရှိခဲ့တာ မှန်သော်ငြား အခုကတော့ ပုခုံးပေါ်တွင် ခေါင်းဆောင်ဆိုသည့်တာဝန်က ပိုလာတာကြောင့် ပို၍ ဖိဖိစီးစီး တွေးမိနေသည်ထင်ပါ၏။ အဖွဲ့လိုက်လှုပ်ရှားရသည့်ကိစ္စဆိုသည်မှာ ပွင့်ပွင့်လင်းလင်းဆိုရလျင် အတော်မလွယ်ကူသောအရာဖြစ်၏။
ကိုယ့်စိတ်ကိုယ့်ကိုယ်နှင့်တောင် တစ်ခါတရံ ဒွိဟဖြစ်ကာ ရှုပ်တတ်ရသည့်အထဲ လူငါးယောက်ကို ညီညာအောင်ညှိယူရသည့် ကိစ္စမှာ တကယ့်ကို ခက်ခဲသောကိစ္စပင်။
ပထမဆုံးသောပြသနာမှာကား အသံကိစ္စပင်ဖြစ်လေသည်။ အားလုံးက အတွေ့အကြုံလည်း မရှိကြသေးသလို idol ဖြစ်ဖို့ရာ အခုမှစတင်ကာ လေ့ကျင့်နေကြသူများဖြစ်တာမို့ လိုအပ်ချက်များစွာရှိနေတာ အဟုတ်ပင်ဖြစ်လေသည်။ ထို့ကြောင့် ဆိုပုံဆိုနည်းအရ ကိုယ်ဆိုနေကျပုံစံကိုသာ ကျင့်သားရနေပြီး စနစ်တကျ မဆိုနိုင်သေးသလို အခြားပုံစံမျိုးလဲ မလုပ်နိုင်သေး။ ထို့ကြောင့် ပထမဆုံး တွေ့လာရသည့် ပြသနာမှာကား အသံသဟဇာတမဖြစ်ခြင်းပင်ဖြစ်လေ၏။
ပထမဆုံးပြသနာဖြစ်သော်ငြား သက်ရောက်မှုက အတော်ကြီးသည်။ အားလုံးကို သီချင်းတစ်ပုဒ်ကို နေရာခွဲကာ အစမ်းဆိုစေပြီး အသံသွင်းစေကာ နားထောင်ကြည့်လိုက်သည့်အခါ လွန်စွာမှ သိသာနေသည့် ကွဲပြားမှုက ထင်းလင်းစွာ ပေါ်လာခဲ့၏။ အသံ effectတစ်ခုခုနှင့် ညှိလိုက်လျင်ရသည်ဆိုသော်ငြား ထိုသို့ဆိုလျင်က ရေရှည်တွင် အဆင်မပြေနိုင်သလို အရည်အချင်း အစစ်အမှန်လည်း မဟုတ်တော့ပေ။
YOU ARE READING
VNITY : The First Step
Humor[DISCONTINUED] The original light novel of VNITY, first virtual Idol Group of Myanmar [By KAOS Studio] This is the story of five youths chasing their dreams, who miraculously encountered each other as Idol Group members. Join their journey as they s...