(Unicode)
Step 1.6
Familiar one and unfamiliar one
Practice room က ပုံမှန်လိုပင် မိုးလင်းကတည်းက ဆူညံနေ၏။ လင်းက မနက်ထဲက ရုံးခန်းမှ အခေါ်ခံလိုက်ရကာ ပြန်မလာသေး။ အာရွန်က ခမ်းဝေနှင့် ငြင်းခုန်ရင်း အလုပ်များနေသည်။ Mistကတော့ ပုံမှန်အတိုင်းပင် သံစဉ်တစ်ခုကို ခပ်တိုးတိုးညည်းလျက် သီချင်းကျင့်ရန် warm up လုပ်နေသည်။ သို့သော် သီခကတော့ တနေ့က bar တွင် ဖြစ်ခဲ့သည့် အကြောင်းအရာအချို့ကို စိတ်ထဲမှ မထုတ်နိုင်ဖြစ်နေခဲ့၏။
နေသန်မိတ်ဆက်ပေးခဲ့သော တာရာဆိုသူမှာ Mist နှင့် အသံချင်းမတူသော်လည်း ဆိုပုံဆိုပေါက်ချင်းက တကယ်ကိုပင် ဆင်တူသည်။ ပြောရလျင် Mist၏ ဆိုဟန်ကိုမှ ပြီးပြည့်စုံအောင် ပြုပြင်ထားပြီးသည့်အနေအထားမျိုးဟုပင် ဆိုနိုင်၏။ ထူးဆန်းသည်က နေသန်က သူ့ကိုခေါ်လာကာ သူတို့နှင့် မိတ်ဆက်ပေးလိုက်ချိန် နှစ်ဦးသားမျက်နှာပေါ်တွင် တွေ့လိုက်ရသော ထူးဆန်းသည့်အမူအရာပင်ဖြစ်၏။ အခြားသူများကတော့ ဆူညံကာရှုပ်ယှက်ခတ်နေသော အနေအထားကြောင့် သတိထားလိုက်မိပါ့မလား မပြောတတ်သော်ငြား သူကတော့ အသေအချာကို မြင်လိုက်၏။
အချင်းချင်း သိနှင့်နေသည်မှာ ကျိန်းသေသော်ငြား မသိချင်ယောင်ဆောင်နေကြသည့် ဤအနေအထားက တကယ်ကို ထူးဆန်းသည်။ သီခသည် အခါအခွင့်ရှာကာ Mist ကို မသိမသာမေးရဦးမည်ဟု တေးထားလိုက်သော်လည်း ဤကိစ္စမှာ အတော်လေး ခက်ခဲမည့်ကိစ္စဖြစ်နိုင်သည်။ Mist သည် သည်လိုကိစ္စမျိုးကို ဖွင့်ဟပြောတတ်သူမျိုးမဟုတ်သလို သူကလည်း သည်လိုကိစ္စကို အစ်ထုတ်နိုင်လောက်အောင် စကားပြောလည်ဝယ်သူမဟုတ်။
သို့နှင့် မည်သို့ကြံရပါ့ အတွေးပွားနေစဉ်မှာပင် လင်းအသံက တံခါးဝမှနေ၍ ရုတ်တရက် ထွက်ပေါ်လာလေသည်။
"Hey hey ... attention please!"
လင်းနံဘေးတွင် ကိုဂျင်မီနှင့်အတူ အရပ်မြင့်မြင့်လူတစ်ယောက်လဲပါလာ၏။ အရပ်မြင့်ရုံမက အလွန်ကို ချောသည်။ ရှေ့ဆံပင်ကို နဖူးအပြည့်အုပ်ကာ မျက်မှန်ပါတပ်ထားပြီး ရိုးရိုးရှင်းရှင်းသာ ဝတ်ဆင်ထားသော်ငြား တစ်ချက်ကြည့်လိုက်ရုံနှင့် အတော်ချောသည်ဟူသော ခံစားမှုမျိုးကို အပြည့်အဝပေးစွမ်းနေသော ရုပ်ရည်မျိုးဖြစ်၏။
YOU ARE READING
VNITY : The First Step
Humor[DISCONTINUED] The original light novel of VNITY, first virtual Idol Group of Myanmar [By KAOS Studio] This is the story of five youths chasing their dreams, who miraculously encountered each other as Idol Group members. Join their journey as they s...
