اين طفولتى

الفصل الخامس

خرجت من الغرفه ونزلت السلم  كان (الياس) جالس فى مقدمه ترابيزه الطعام وبجانبه اليسار (لورين ) دخلت( فاطمه ) غرفه الطعام وشدت الكرسى وجلست بجانب( الياس) على اليمين
وضعوا الخدم الطعام بدأ الياس الاكل بهدوء وهو ينظر لامه بجانب عنيه رآها تبكى ولا تأكل ترك الاكل ونظر لها وقال

(الياس)  بحده : ليش مو بتكلى

رفعت نظرها له وقد زاد بكاءها  ( فاطمه)  : عشان أنت زعلان منى ومش راضى تكلمنى

(الياس )  بنظره حنو فهو يضعف أمام دموع والدته : ومين قال انى زعلان  يلا مسحى دموعك انتى تعرفى انى لا اقدر رؤيت دمعه واحده تنزل من هذه العيون يلا مسحيهم بسرعه و ورجينى ابتسامتك يلا يلا

ابتسمت فاطمه بفرحه شديده وحمدت الله على هذا الابن الذى رزقه الله لها

          فى المساء فى منزل رنا

رجعت كريمه إلى المنزل طرقت على الباب ..

فتحت لها (رانيا ) : اى يا ماما التأخير ده كلو

(كريمه )وهى تجلس على اول مقعد قابلها : اعمل اى يعنى كنت فى الشغل

(رانيا ) : شغل اى لغايه دلوقت ده الساعه تجيلها تمانيه هما الناس إلى انتى بتشتغلى عندهم دول معندهم رحمه مش عارفين انك عندك بيت والتزامات

(كريمه ) : هما ايش عرفهم وانتى احمدى ربنا انى جيت دلوقتى ده انتى لو شوفتى البيت هتصدمى ده مش بيت ده قصر و واسع اوى فضلت انا والناس إلى معايا ننضف فيه اد كده ولو شوفتى الناس أصحاب البيت حاجه تانيه خالص

(رانيا) : طب الناس دى معندهومش حد اتجوزوا

(كريمه) : لا معندهومش ولو عندهم هيبصولك على اى يا ختى بلا نيله

(رانيا ) : وليه بقى ميبصوليش بقى انشاء الله نقصنى رجل ولا نقصنى ايد ده أنا حلوه وجميله و اى حد يتمنانى

(كريمه ) وهى تنظر لها بسخريه : عشم ابليس في الجنه .. ده انتى لو شوفتى مرات البيه عامله ازاى هتعرفى ليه عمرهم ميبصولك دى واحده مش عامله زينا لا دى شبه الناس إلى بيطلعوا فى التلفزيون دى كمان احلى منهم

وفى نفس اللحظه خرجت رنا من الغرفه

( رنا ) وهى تدعك عينيها بنعاس : هى مين دى يا عمتو إلى شبه بتوع التلفزيون

(كريمه ) : وانتى مالك يا مقسوفه الرقبه وايه إلى يخليكى نايمه لغايه دلوقتى وطبعا معملتيش الاكل .. اه منتى هانم مبتعمليش حاجه غير انك تنامى و بس

(رنا ) : طب منا كنت نايمه عشان تعبانه من الصبح روحت المدرسه متأخر عشان عربيه كانت هتخبطنى وصاحب العربيه فضل يتخانق معايا والمديره  هزقتنى  كل ده ومش عيزانى انام

(كريمه ) : يا ريت كان خبطك وارتحنا منك ولو المدرسه تعباكى اوى كده متروحهاش على الأقل هتوفرى  ويلا انجرى روحى اعملى الاكل يلا انا جايه تعبانه من الشغل