Unicode
~~~~~~~အခုချိန်မှာ နိုင်ငံတော်သမ္မတကြီးကမင်းလက်ထဲကို
ရတနာအပြည့်ပါတဲ့ အိတ်တစ်လုံးနဲ့ဓားတစ်လက်ပေးလာပြီး"ကြိုက်တာရွေး"လို့ပြောလာရင်
မင်းဘာလုပ်မလဲ။အေး..ငါဆိုတဲ့ ကျော်ဇေယျာနိုင် ကတော့ ကျိန်းသေပေါက်ဓားကိုပဲရွေးမှာ။ ပြီးရင် ရန်ငြိမ်းအောင် လို့ခေါ်တဲ့လူယုတ်မာရဲ့ ကျက်သရေရော၊မေတ္တာတရားပါကုန်ခမ်းနေတဲ့ မျက်နှာဖြူဆုတ်ဆုတ်ကို ဓားနဲ့ချည်း
ငါးမွှန်းသလိုမွှန်းပြီး၊ ဂျပန်ကင်ပေတိုင်တွေလို
မသေမချင်းနှိပ်စက်ပစ်မှာ။တကယ်...တကယ် ငါသာထောင်ကျပြီး မိန်းမမရမှာကိုကြောက်နေတာမျိုးမရှိရင် ငါအဲ့ကောင်ကိုတကယ်သတ်ပစ်တယ်။
ငါ့ရဲ့အနမ်းဦးကိုများ သင်းကရာရာစစနဲ့ နှိုက်မြည်းရဲတယ်။ ဒီကောင့်ကိုလက်စားမချေရရင်
ငါကျော်ဇေယျာနိုင်အုပ်ကြီးမလုပ်တော့ဘူး။ဒီလောကမှာရှိတဲ့ လူတိုင်း၊လူတိုင်းမှာ ပြန်မပြောချင်လောက်အောင် ခါးသီးတဲ့အရှက်ရဖွယ်ရာကိစ္စတွေရှိ
ကြတယ်။မင်းမှာလဲရှိတယ်၊ ငါ့မိဘတွေမှာလဲရှိတယ်၊ ငါ့မှာလဲရှိတယ်။ဒါကိုမှ "မရှိပါဘူး ငါတို့ကအနေအေးပါတယ်၊ရိုးသားတယ်"ဘာညာ လီဆယ်ချင်နေရင်တော့ "စဥ်းစားလေ၊ဆုတောင်းပေါ့"လို့ပဲပြောလိုက်ချင်ရဲ့။အခုချိန်မှာ ငါဒေါသအထွက်ရဆုံးကဘာလဲဆိုတော့
အဲ့ဒီအရှက်ရစရာကောင်းတဲ့ကိစ္စက ရန်ငြိမ်းအောင်
ဆိုတဲ့ ကောင်နဲ့တိုက်ရိုက်ပတ်သက်နေလို့ပဲ။ငါက 'အေးချမ်းသာယာ'ရပ်ကွက်ရဲ့ အုပ်ကြီး
နာမည်တစ်လုံးတည်းနဲ့နေတာ။ အေး..'နာမည်လေးလုံးလေ'ဆိုပြီး မျက်နှာလာမပြောင်နဲ့နော် တစ်ခါတည်းဓားမွှန်းခံရမဲ့ထိပ်ဆုံးစာရင်းထဲပါ
သွားမှတ်။"ငါကအရှက်နဲ့လူလုပ်တာကွ.."
ဆိုပြီး အဲ့လိုမြန်မာကားဆန်ဆန်ပြောမယ်ထင်နေလား။ ထင်နေရင်တော့ ကိုယ့်ခေါင်းကိုယ်ဖြုတ်
ရေနဲ့ဆေးပြီးမှပြန်တပ်လိုက်ကြ။ ငါက အရှက်နဲ့ရောအသက်နဲ့ပါလူလုပ်တာ။ ငါဒီလိုအလုပ်ခံလိုက်ရလို့
မရှက်ဘူးတော့မဆိုလိုပါဘူးရှက်တာပေါ့ ၊
ဒါပေမဲ့ ဒေါသကပိုကြီးတယ်။
YOU ARE READING
"လခွမ်း အုပ်ကြီးဖြစ်ရတာလွယ်ကူမနေဘူးဟ"(Completed )
Short StoryFluff,BL,Short story. "အေး..အေးကွာ..ချစ်တယ်ကွာဘာဖြစ်လဲ။ မင်းကလူမိုက်..ငါကအုပ်ကြီး ဘယ်ကောင်က လှန်ရဲမှာလဲ။" အသုံးအနှုန်းအချို့အတွက် ၁၅ နှစ်အောက်ကလေးငယ်တွေမဖတ်သင့်ပါ။ ~~~~~~~~~~~~~~~~~~~~~~~~~~~~ Fluff,BL,Short story. "ေအး..ေအးကြာ..ခ်စ္တယ္ကြာဘာျဖစ္လဲ။...