Unicode
~~~~~~~"ကျော်ဇေယျာနိုင်..!
ရပ်အုံး..စိတ်လိုက်မာန်ပါမလုပ်စမ်းပါနဲ့။"ဖိုင်တစ်အိတ်ကိုင်ကာ
သူ့လက်ထဲကနေအတင်းရုန်းထွက်ပြီး ရှေ့ဆက်တိုးဖို့
ဦးတည်နေတဲ့လူကို ရန်ငြိမ်းအောင်မနည်းထိန်းနေရတယ်။"မင်း..ငါ့ကိုလွှတ်စမ်း!"
အပုလေးကဒေါသတကြီးနဲ့ သူ့ခြေထောက်တွေကိုလှုပ်ခါပြီးအော်ဟစ်လာတာမို့ သူ့မှာရွေးချယ်စရာမရှိတော့။ ဆွေ့ဆွေ့ခုန်နေသူကိုခါးကနေမချီကာအိမ်ထဲကိုပြန်ဝင်လာခဲ့လိုက်ရတယ်။
"ရန်ငြိမ်းအောင်..အား..မင်းငါ့ကိုလွှတ်။
ငါလုံးဝဆက်မလုပ်တော့ဘူး..!။""စိတ်ကိုထိန်းစမ်း!!
မင်းတကယ်ပဲ စွန့်လွှတ်နိုင်လို့လား။"တဖြည်းဖြည်းနဲ့သေးကွေးလာသူခမျာ
ရုန်းကန်နေရာကနေအရှိန်မထိန်းနိုင်ဘဲ
အိမ်ရှေ့ကကွက်ပျစ်ပေါ်ကိုကွေးကွေးလေး ပြုတ်ကျသွားတာမြင်ရတော့ မချိတင်ကဲဒေါသတို့ကထောင်းခနဲ။အကျိုးဆက်ကတော့ လေသံမာမာနဲ့အော်မိသွားပြန်တာဖြစ်တယ်။ပုံမှန်အခြေအနေဆိုအခုလိုအော်တာကကိစ္စမရှိပေမဲ့
အခုကအရင်လိုမဟုတ်တော့တာမို့ စိတ်တွေကိုအတတ်နိုင်ဆုံးလျှော့ချပြီး အပုလေးရဲ့ကျောကုန်းကိုဖြည်းဖြည်းချင်းပွတ်သပ်ပေးနေမိတယ်။ခြံပြင်မှာစပ်စုနေတဲ့ မျက်လုံးတွေသာမရှိရင်ဒီ့ထပ်ပိုပြီးလုပ်နိုင်မယ်ထင်ရဲ့။"ကိုယ်ပြောတာနားထောင်ပါအုံး..မင်းတကယ်ပဲစိတ်ပျက်နိုင်တာသေချာရဲ့လား။"
ရင်ထဲကအောင့်သက်သက်ခံစားချက်ကို လျစ်လျူရှုပြီးမေးမိလေတော့ ပြန်ကြည့်လာတဲ့မျက်ဝန်းညိုလေးတွေဟာနွမ်းလျစွာ။
"သူတို့ကရော..ငါ့ကိုဆက်ရှိစေချင်တာသေချာရဲ့လား။"
လေတိုးသံလေးအလား တိုးညှင်းဖျော့တော့နေတဲ့
အသံပိစိလေးကိုကြားလိုက်ရတဲ့အချိန်မှာတော့
ရန်ငြိမ်းအောင် ဒီတစ်ယောက်ကိုခေါ်ပြီး ကမ္ဘာအဆုံးထိခေါ်သွားလိုက်ချင်မိတာပဲသိတော့တယ်။ လူတွေနဲ့အဝေးဆုံးတစ်နေရာကိုပေါ့။
YOU ARE READING
"လခွမ်း အုပ်ကြီးဖြစ်ရတာလွယ်ကူမနေဘူးဟ"(Completed )
Short StoryFluff,BL,Short story. "အေး..အေးကွာ..ချစ်တယ်ကွာဘာဖြစ်လဲ။ မင်းကလူမိုက်..ငါကအုပ်ကြီး ဘယ်ကောင်က လှန်ရဲမှာလဲ။" အသုံးအနှုန်းအချို့အတွက် ၁၅ နှစ်အောက်ကလေးငယ်တွေမဖတ်သင့်ပါ။ ~~~~~~~~~~~~~~~~~~~~~~~~~~~~ Fluff,BL,Short story. "ေအး..ေအးကြာ..ခ်စ္တယ္ကြာဘာျဖစ္လဲ။...