AGS 4: The Best Man's Wedding

Chapter 29: Cards Against Humanity

Pinaiwan ako ni Clark sa bahay niya sa West. May point naman kung bakit kasi barkada meeting nga raw, and even their wives understood na kapag sila lang, sila lang talaga ang mag-uusap-usap.

It was odd to know that their wives trusted them that much, as if sobrang kampante nina Jaesie na hindi pupunta somewhere ang mga asawa nila like sa bar or club na usual tambayan ng mga barkada ni Kuya.

Well, alas-tres pa lang naman ng hapon at walang bukas na club nang ganitong oras, but really, the girls didn't care at all.

Siguro kaya sila ang pinakasalan kasi mga wala silang pakialam sa mga asawa nila. Although, hindi naman babaero si Kuya for Jaesie to worry about him doing nasty stuff behind her back. Leo is very loyal to Kyline, kahit pa ang sungit naman talaga niya in reality for girls to pursue him. Si Patrick ang babaero, pero duda akong makakapambabae pa siya knowing na isang maling galaw lang niya, hindi na niya makikita si Melanie at ang baby nila ever again kahit kasal na sila.

Dating stage pa lang sina Will and Mat, but Will barely flirt kapag nasa bar or club. Si Calvin lang ang makakapambabae sa kanila pero duda ako kung may lakas siya ng loob magsama ng outsider sa barkada moment.

Si Clark . . . makulit siya, but according to all her exes na kilala ko, they broke up with him kasi annoying siya. Iisa nga lang sila ng response sa kanya: nakakabuwisit siyang kasama. But as he said, Mum was watching him kaya nga ang tagal na niyang nirereklamo ang pagiging single.

As much as I wanted to ask Clark about their agenda, ayoko siyang kulitin kasi more likely, iba ang sasabihin niya. That was why I chat Will about their so-called urgent meeting para makibalita. Siya lang kasi ang sure akong hindi makikipagmurahan sa akin kapag kinulit ko.

BB Chubs
Will, ano sabi ni Kuya?

Yammy
We're not gonna spend anything para sa wedding nina Leo and Ky. Ang weird. Legit. Pinag-iipunan ng barkada 'to actually.

BB Chubs
Wait. WDYM by weird?

Yammy
Gets namin bakit ayaw pagastusin ni Tita Tessa si Early Bird. Back off na siya sa expenses. But Ky said wag na raw kaming magworry abt sa ibang gastos kasi sponsored na ng ninang niya.

BB Chubs
Simple wedding lang ba?

Yammy
Not sure. Pero parang hindi yata. Walang church wedding, sa hotel ang venue. Family friend daw na priest ang naka-sched for the event. Premade na rin daw ang mga susuotin. Pili na lang daw kami ng kakasya sa amin. Then may family heirloom gown thingy yata for Ky? Para less gastos. Si Leo, papahiram na lang daw ng tux from ninong yata ni Ky din. Super rush ng lahat, unexpected kasi next year ang plan namin for Leo's wedding. Excited pa naman kami mag-Galera.

BB Chubs
Yeah, that's what I know too.

Yammy
Kakatapos lang ng kasal ni Pat last week. Hindi kami ready lahat. Pero ayaw naming mag-no kasi kapag nag-no si Leo rito, natatakot siya baka iwan siya ni Ky. Nag-separate na sila before, ayaw niyang bumalik sa setup nila dati. Unfair din kay Leo kung kami ang tatanggi samantalang ang tagal na niyang hinintay 'to. Ngayon lang nag-yes si Ky sa kasal, ayaw naming maging hindrance.

BB Chubs
What abt Clark?

Will was typing, pero ang tagal niyang mag-type. Kahit gusto kong ituloy ang pananahi, hindi ako matahimik kasi nate-tense ako.

Akala ko pa naman, super haba ng tina-type ni Will kaya ang tagal mag-reply.

Yammy
Pinag-iisipan pa namin.