TEMPTATION ISLAND: Midnight Mistress

Chapter 25

 Paikot-ikot si Eina sa loob ng pantry. Napapagod na siguro si Saulo ngayon. Kanina pang tumatakbo sa isip niya ang lalaki. Walang hinto. Buong araw na yata nitong ookupahin ang utak niya niya. Konti pa ay maniningil na siya ng renta!

"Whatever. I can just say no again." Umiling siya, kapagkuwan ay humigop ng kape. May pagnginig pa ang daliri niya ng damputin ang cup.

"So, nakapag-decide ka na ba?" tanong ni Gigi sa kanya. Sumunod din ito sa kanya sa pantry.

Umiling si Eina. "I'm not doing it."

"Okay." She saw the teasing smile on her face.

"I'm serious about that. Wala sa plano kong maging modelo. Di ko alam ang nasa isip ni Saulo. Hindi ba pwedeng i-push pa rin si Farah? Or kung talagang gusto ng replacement, hindi ba pwedeng 'yong kapatid na lang niya ang pumalit sa kanya? I saw her commercials before."

"You mean Zari? She's not available at the moment." Lumapit ito sa tabi niya, at tumingin sa cup niya.

Nakaramdam naman agad si Eina. "You want coffee?"

"Please? Gusto ko 'yong timpla ng kape mo. Pwede kang magtayo ng sarili mong coffee shop."

"Thanks. Nag-barista training talaga ako noon. I think three years ago? Ginawa ko lang 'yun para kay Saulo. But maybe in the future, magtayo nga ako ng coffee shop."

"Why, ayaw mo na ba kay Saulo? I heard he's really maselan."

"Sobra. At kailan lang narealize ko na may mas ilalala pa pala ang topak ng lalaking 'yon."

"Oh, look at you. You're badmouthing him now," manghang napahagikhik si Gigi.

"Pasensya ka na. Alam ko kaibigan ka niya."

"Don't worry, I zip my lips."

Iniabot niya dito ang bagong timpla na kape. "Ilang taon ka na ulit nagtatrabaho kay Saulo?"

"Four years. Baguhan pa lang ako noong tanggapin ako sa kompanya. Wala pa akong masyadong experience. Lagi pa akong napapagalitan n'yan dahil sa mga kapalpakan ko noon, pero natutunan ko din tapatan 'yong mga expectation ni Saulo kaya ayun ako ang nagtagal."

Napasinghap si Gigi. "Really? Tinanggap ka ni Saulo kahit wala ka pa masyadong experience noon?"

Kaswal siyang tumango. "Kaya kahit papaano may utang na loob ako sa kanya bilang amo. Ilang interviews pinagdaanan ko, walang nakapasa. Dito lang pala ako magkakaroon ng trabaho."

"That's really odd."

"Dahil ba nagtagal ako? Nakaya ko naman mag-adjust sa busy schedules at kahit sobrang tight ng deadlines na ibinibigay."

"Binanggit mo kasi na wala ka pang experience nung unang salta mo sa office ni Saulo. I'm just really surprised na pinasa ka niya. Please don't get me wrong. Sa pagkakakilala ko sa kanya, mataas ang standards niyan sa mga empleyado niya. Dito pa nga lang sa project namin, pinapasakit na niya ang ulo ko. Sobrang istrikto! Nakakainis."

She ignored the comment. Swinerte lang talaga siya noon. Kailangan niya ng trabaho at nabigyan siya ni Saulo. Ngayon may ibinibigay ulit ito sa kanyang opportunity, todo ang pagtanggi niya.

"Wag ka na masyadong mag-alala, Eina. Katatapos lang naming mag-usap ni Saulo."

"Narinig ko nga 'yong pinag-uusapan n'yo."

Gigi took a long deep breath; she looked stressed.

"Nakakainis nga. Gusto ko na lang humilata sa sahig para naman maawa sa akin si Saulo. Kahit magmukha pa yata akong pulubi, ang hirap pa din kumbinsihin!"