💥នៅក្នុងចម្ការ
បន្ទាប់ពីជីមីនបានឈប់សម្រាកពីការសិក្សា ជាច្រើនខែ ទេីបគេមកសុំអ៊ុំប្រុសម្នាក់ដែលជាមេការមេីលខុសត្រូវក្នុងចម្ការ ណាមួយគាត់ជាអ្នកស្រុកភូមិនេះដែរ ទេីបគាត់អាណិតក៏ យល់ព្រមទទួលគេមកធ្វើជាកម្មករនៅចម្ការនេះ ព្រោះបេីបានធ្វើការនៅទីនេះ អាចរកកម្រៃបានខ្លះ គ្រាន់អាចជួយសម្រាលបន្ទុកម្តាយរបស់គេបានបន្តិចដែរ៕
"ក្មួយជីមីន សម្រាកសិនទៅ ថ្ងៃនេះមេឃក្តៅខ្លាំងណាស់"
អ៊ុំហុងដែលជាមេការនិយាយប្រាប់ទាំងអាណិតពេលឃើញថាក្មេងតូចម្នាក់នេះ ខំប្រឹងធ្វើការ ទាំងមិនខ្លាចនឿយហត់បន្តិចសោះទោះបីជាមេឃក្តៅយ៉ាងណាក៏គេមិនរអ៊ូមួយបាត់ឡើយ។
"បាទ អរគុណអ៊ុំ នៅតែបន្តិចទៀតទេខ្ញុំធ្វើរួចហើយ អ៊ុំទៅសម្រាកមុនខ្ញុំចុះ"
គេតបទាំងផ្ទៃមុខមានតំណក់ញើសតូចៗពាសពេញ ទោះបីជាគេពាក់មួកបិទជិតក៏ដោយ តែនៅក្នុង កម្តៅថ្ងៃដ៏សែនក្តៅហែងបែបនេះ ធ្វើឲ្យរាងតូច ដាបដោយញេីសស្រក់តក់ៗ
"អីចឹងអ៊ុំទៅមុនហេីយ"
"បាទ "
បន្ទាប់អ៊ុំហុងក៏ដេីរចេញទៅ រីឯជីមីនក៏ធ្វើកិច្ចការរបស់ខ្លួនបន្តទៀត៕
យ៉ុងហ្គីដើរមក ស្របពេលភ្នែករបស់គេជំពប់នឹងរាងតូចស្តើងដែលកំពុង តែឆាយដីនឹងបោច ស្មៅចេញពីគុម្ពដើមក្រូចដែលគេឲ្យកម្មករដាំបន្ថែមទៀត គេមាន អារម្មណ៍ថាប្រហែលៗ ថាដូចជាធ្លាប់ជួបនៅកន្លែងណាមួយ តែក៏រកនឹកមិនឃើញ ពេលមានសម្លេង កូនចៅស្រែកហៅគេ គេក៏លេងចាប់អារម្មណ៍ យ៉ាងណាក្មេងប្រុសនោះជាកម្មករនៅទីនេះ គេប្រហែលជាឃើញនៅចម្ការ របស់គេនឹងឯង គិតដូច្នេះហើយគេក៏ដើរចេញពីទីនោះទៅ។
ចំណែកឯជីមីនដែលកំពុងតែជម្រះស្មៅ គេមានអារម្មណ៍ដល់ក្រសែភ្នែក មនុស្សម្នាក់សម្លឹងមកខ្លួន ធ្វើឲ្យមានអារម្មណ៍ ព្រឺព្រួចក្តៅរងារមួយរំពេច. ជីមីនក៏ងើបមុខឡើង តែបានត្រឹមតែឃើញពីក្រោយខ្នងអ្នកកម្លោះប៉ុណ្ណោះ ព្រោះគេចេញទៅឆ្ងាយដែរទៅហើយ ទើបគេមិនគិតច្រើនក៏ធ្វើការងាររបស់ខ្លួនបន្តទៀត។
YOU ARE READING
ចម្ការស្នេហ៍ក្រូចឃ្វិច🍊BL
Romanceប្រលោមលោកប្រឌិត📝 មីន យ៉ុងហ្គី កម្លោះសង្ហាវ័យ៣៥ឆ្នាំ ឈាមត្រជាក់ ស្ងៀមស្ងាត់ សោះក្រោះ នឹងធឹង ម៉ឺងម៉ាត់ ម៉ត់ចត់ កែវភ្នែកមុតស្រួច ចិញ្ចើមកោងស្អាតច្រមុះកោងស្រួចបបូរមាត់ ពណ៌ក្រហម សម្បុរសរស្លេក គេគឺ ជាម្ចាស់ចម្ការក្រូចឃ្វិច រាប់...
