الصخر المشوه

البارت الرابع

ياران

وصلت لبيت صخر اول شي عمه محمد كلي
محمد _فوتي ياعروسة ...باوعتله واني رافعة حواجبي بغضب وهو يضحك...

محمد _ريم تعاي ...اخذي هالطفلة

ياران _راح اغلس بمزاجي ..سمعت بمزاااجي

ريم _اهلا وسهلا حبيبتي ...انداريت على محمد منو هاي...

ياران _حبيبتي اسأليني الي ...اني ياران اخت سامان صديق هذا ...

محمد _فوتو ياام لسان ...

فتنا اول مادخلت ....صارت كدامي وحده سبحان الله ابد مارتاحيتلها ....

عفاف _خير ريم منو هاي ...

ريم _هاي اخت صاحب محمد وصخر ...

عفاف _اي وشنو سبب جيتها. ..

ماعجبني تخوصرتلها ...
ياران _عود انتو ترباية عشاير ...بدل ماتكولين هلا بيج البيت بيتج ...مستعجلة تردين تعرفين ليش جايه ...والله سمعت الحجية ام محمد متشوقة تشوف اخت سامان واني جيت ...سمعت صوت كال

ام محمد _وج ميلي لابارك الله بيج دومج فاضحتينا ...تقربي يابنيه....اللهم صل على محمد

تقربت وانا دفعت الكدامي بكتفي وهي عيونها راح تطلع بغضب...

ياران _ السلام عليكم بيبي ...  حضنتني بقوة عبالك تعرفني من سنين ...

ام محمد_يمه صدقة شكد حلو البيبي بحلكها ...ضحكو جم وحدة كاعدات ...كعدتني بصفها ...تعاي حبوبة اعرفج عالكاعدات ...اشرتلي على وحدة هاي عواطف بنيتي الجبيرة وهاي سعاد مرت ولدي الوسطاني وذيج عفاف مرا ولدي الجبير يعني مرت ابو صخر صاحب اخوج  وهاي رباب مرت محمد تعرفينه صاحب سامان..وهاي ريم بنتي الصغيرة ...

ياران _تشرفت بيكم واني ياران اخت سامان اكيد سامعين باسمه ...

كلهم رحبو بيه ماعدا رباب وعفاف ...

رباب _يعني صحبان اخوها ليش تعرفهم ...لاوشفت محمد يتشاقى وياها ترى ...ترى عيب الثگل حلو..

ام محمد_سكتي لج ...

ياران _حبيبتي اني اخويه ثاق بيه ...وثاق باصدقائه والامجان قبل يلمحون طرف ثوبي ...بس هو حاسبهم اخوانه ...وبعدين شفتيني سحلت روحي عليه..حتى تكولين الثكل حلو ..اكول حجيه عود هذولة ترباية عشاير شو من وصلت راح ياكلوني لوما الخاطرج هسه اخابر سامان يرجعني مرتين هانوني..

حضنتني وهي تبوسني ..
ام محمد _فدوة رحتلج حبوبة مسحيها بوجهي هذوله راح يجلطوني من ورا لسانهم الطويل ...بس لسانهم الليلة راح ينكص ...

نزلت وحده حلوة بس سبحان الله خبث الدنيا بوجهها ...

رانيا _هلاووو...منو هاي ...

ياران _بدت رحمة الله ..

عفاف _اخت صاحب محمد وصخر ...شو هاي صفنت بوجهي وصارت تباوعلي من فوك الجوا ...رفعتلها حاجبي سلامات عيني. ...