الصخر المشوه

بارت الثاني والعشرون

ياران _حاليا كملت الثالث ودخلت الرابع....حامل بولد...سارا تزوجت ...وصارو يتناوبون حتى يساعدون امهم...
يومين سماهر ويوم سارا ..نزلت جوه الدنيا عصر ...صخر بالدوام صار اسبوع....بالليل اسمع اصوات هوايه ...كمت اخاف انام وحدي ...بس مابيدي شي استحي اروح لبيبي وغالية تزوجت عمو ورتاج هم ...

ام محمد -هاجتي البطه..

ابتسمت من وكت مابين بطني وبيبي تصيحلي البطة ...
ياران_كرهتيني بالبطه بيبي...وبعدين مو هالكد مبينه

اليوم سماهر يمنا ....

نزلت جوه وكعدت يمنا هاي اول مرة ...كل مرة تسلم وماتحاجينا...

سماهر_اي شونج يارا ...شون وضعج...

استغربت

ياران _الحمدلله ...انتي شونج..

تحسرت وهي تباوع لبطني ..

سماهر_شوني يعني الكل حاد سنونه عليه وعبالك بايدي مااخلف ...

انقهرت عليها

ياران _عادي كلبي ماصارلكم جم شهر...واكيد الله راح يرزقكم...

سماهر _اي ان شاءالله ...اريد اعتذر منج ...لان قبل هوايه جنت ائذيج بالكلام...وانتي تضلين مرت اخوية ...
ياران _اكيد حياتي ...عادي اصلا مو ببالي هالسوالف ...

سماهر _فدوة شكد طيبة انتي ...يلا اصعد لامي ..

صعدت ...عجيب قبل جم يوم مطيقني الله هداها ...الله يرزقها الذرية الصالحة...

خابرت علوش

ياران _ها كلبي شونك...

علي _الحمدلله وانتي ...

ياران _بخير الحمدلله ...شخبارك واخبار دانيه

علي _ الحمدلله بس مااكدر احاجي امي واكوللها لان راح تزعل ..

ياران _حقها علوش ..جذبت عليها وتالي تعرف عاقد على بنيه ومنو بنت الاخذت ابوك ...اكيد راح تزعل لازم تحضر روحك لكل ردة فعل منها

علي _صارت بعد ...مردت البنيه تصير ضحية عنف مثلي ...
ياران_احسن شي سويته وين تلاكي مثلها ..

علي_يارا الابنيه انا تزوجتها بس حتى اخلصها من امها مو لان اريدها ...لاتنسين هي بنت منو ...حتى لو هي مالها ذنب ادري بروحي اذا بيوم صارت مشكلة راح اعيرها ...فاحسن شي تكون زوجة بس بالاسم. ...

ياران_براحتك انت الادرى ...انا ماعرفها

علي_اي شونج وشون ابن اختي ...

ياران_ههههه بخير ويسلم على خالو ...

علي _صخر يمتى يرد...

ياران _احتمال الاسبوع الجاي ...

علي _ها خوش ..يلا محتاجة شي ..
ياران_سلامتك ...سلم عالكل ...

سديت المكالمة ...مو خوش سالفة بس انا وصخر ندري بعقده ...