الصخر المشوه

البارت السابع

ويريدني انسه المضه والصار وجروحه
الخلص حياته بسجن
انطيه لوحة رسم يرسملك حبل المشنقة يعدملك الللوحة

مقتدى الحديدي

******★*******★*****
فتحت صورة صخر ورانيا يتباوسون ..

غمضت ععيوني بقهر ....بدون تفكير رجعت ودزيتله الصورة.....بعد ماحفظتها.....

شو هذا بدل مايبررلي. ...دزلي ...عاشت ايدج على هالخدمة....والله مخبل..ولاخابر يبرر يحجي

ياران_وشرايك هالخدمة اقدمها لنفسي هم واجي اشوفها لاخوي واهلك ..

صخر _ياران مرة وحدةحتى لو متعرفيني مرة وحد ثقي بيه ولاتسوين شي واحلفج تمسحيها وقسما بالله قسما بالله راح احجيلج كل شي بداخلي وابررلج كل شي بخاطرج ...بس هالمرة .؟..

مدري ليش حسيته صادق وهالتصرفات  وراها شي قوي ...

ياران _تمام وان شاءالله مااكون ادمر حياتي بايدي بسببك ....

صخر_مراح تتندمين...

ذبيت الموبايل وكمت طلعت البوم صورنا ويه ماما وبابا وسامان وسيروان ....اتفرج على صوري ويه ماما واحس بنار الاشتياق والحسرة لان خسرتها من وكت جان عمري 18من خسرتها جانت حامل وتوفت هي والطفل ..وبابا جان يحبها كولش ماقبل يتزوج ببعدها ولاعاش هوايه بعدها توفي بعد ٣سنين ....وكتها سامان صارلي الاب والام...صح جنت جبيرة بس جنت بعدني محتاجة الام والاب ...وسيروان صديقي ...ونفس الوكت بيت خالتي شالو للبصرة....لان خالتي جانت دوم تحن للبصرة المكان الولدت بي وكبرت بي ....وكتها صدك جنت افتقد ماما وبابا اكثر ....لان عمتي جانت فقط تأدي واجبها تجاهنا مشفنا منها حنان اوحب وكأنو واجب فرض وفقط...لذالك حاولو سامان وسيروان دوم يعوضوني حنان الاهل ...بس للاسف جنت امثل الفرح والسعادة كدامهم...بس ولايوم نمت الا واني دموعي على خدي ...

****★**********

بعدك بالكلب رغم الخلافات
والمسافان انلغت بينك وبيني

ماينطيني كلبي اتزاعل وياك
بس ان شاء الله كلبي ينطيني

واتوقع يجي يوم وانساك

بس اتمنى اموت ومايجيني
*****★*********

سيروان

اليوم اول يوم تدخلون لحياتي  عمري جان 22سنة ب2012اداوم
اداب قسم الانكليزي لان جنت فول بالانكليزي مرحلة ثانية... هناك تعرفت على نور الهدى...جانت بنيه حلوة وملتزمة جدا....يوم عن يوم تعلقت بيها اكثر ...لحد مايوم احتاجت مني شي ....جانت اكو بنيه ميانة ويانا فرح...
كالت

فرح_سيرو شونك...

سيروان_هلاو فروحة... الحمدلله انتي شونج...باوعت هي وياها ومنزلة راسها وتفرك بايديها اللابسة الكفوف...
فرح _دومك ...الحمدلله ...اكول اعرفك هاي نور الهدى طالبة مرحلة اولى ...