الصخر المشوه

بارت العشرون

حسيت بانفاسه درت وجهي ...رجع ودار وجهي اله وانا مااريد اصيح. واكعد رتاج ...غمضت عيوني بقوة ....عشت احساس حقير ...حجيت وانا مغمضة

غالية _بقيت ايام بلا اكل حتى محد يدنس شرفي ماتوقعت ابن وطني يدنسها وانا امانة عدها ...حسيت بانفاسه الغاضبة فتحت عيوني ببطىء ..شفت يباوعلي بغضب ...

راد يحجي فتح حلكه ورجع سدها وطك ركبته وهزلي براسه وطلع بغضب ...

حمدت الله ..باوعت على رتاج ...لازم ننهزم ...لان ادري صخر مراح يقبل لان امانه عنده وهم هو المتكفلني....
غمضت عيوني وانا ادعي ربي يدلني عالطريق الصحيح.....
****★******★*****

صخر

جدي وده علي ..رافد كال ينتظرك بالديوان ...دخلت شفت مخلي راسه على عوجيته ...

صخر _امر جدي ...

رفع راسه وهو يباوعلي ...وانا بودي اعرف شنو الي بباله ...
ابو محمد_سؤال وماكو غيره ...انت وصلت لاهل البنيات لولا ...

صخر _جدي قابل اجذب عليكم ...

صاح بصوت وكام لحيله

ابو محمد_صخخخر الجدامك مو جاهل ...هسه تكلي منو هن لو انا اروحن والاكي اهلهن ...

صخر _جدي اذا البنيات ثجيلات عليكم من باجر اروحن لبيتي واخذ حرمتي والبنيات وياي ...

ابو محمد _خووش حتى الجلام يجثر بالزايد

صخر _وانا مايهمني جلام الناس ...

ابو محمد_صخخخر وين اهلهن...

باوعتله بقلة حيلة ...

صخر _عمامها موجودين ...

ابو محمد_جا ليش ماتردهم...

كعدت وكعد جدي ...

صخر _غالية جانت متزوجة ابن عمها واطلكت لان خانها ...

ابو محمد_ايي ..

صخر _وجان يردون يجبرونها تردله بس ابوها الجان واجف بطريكهم ...وكالت اذا رديتها الهم راح يجبروها تردله ...ونختني مااردهم ويضلن هنا ...هسه كلي انا غلطان ...

ابو محمد_مو غلطان بويه ...بس البنيات شون يضلن هاك شفت الصار ...لازم محمد يعقد عليها ...ورافد يعقد على الصغيرة...

صخر _بويه هي نختني ماتريدن تتزوج اجبار اجي انا واجبرها تتزوج ...

ابو محمد_معليك انت بويه انا اقنعهن وبرضاهن...

صخر _براحتك جدي المهم ماتحسسهن وتحرجهن..

ابو محمد_اطمن بويه ...

طلعت ولاكتني حبوبة ..

ام محمد_هلا يمه. ..وك صاير مانشوفنك يارا خذتك منا ...

صخر _هههههه شفتي ...ماتقبل انزل تريدني بس الها ...
ام محمد_ياملعون ...ولي من جدامي زايع المستحى...