الصخر المشوه

البارت الثالث عشر

علي

علي_اي علي ...علي الطول حياتج كرهتيه هو وامه...وهاي انا رجعت بس حتى اخذ حقي منكم ...وها انداريت لسيد جاسم ..ترى ابنك الاخذته سبب وهجرتنه مات....

جاسم_لا لا ...لاتكولها..

اتقربت منه
شنو انقهرت هههههههااااا لا لا هاي نكتة صحت بي ...على شنو مصدوم منو الاعتبره ذنب وعافنا ولا رحت بنيت حياة جديدة وجهال جدد ...وطالعلي بجذبة كالو مسافر ....ادري جان عدنا فلس حتى نسافر بيها...سمعو انا رجعت ...بس رجعت عاصفة راح تهدم كل عائلة حجي جبار صدك وينه....حجي جبار جاوبني وهو يبجي

جاسم_جدك مات من ٤سنين

علي_يلا الى جهنم وبئس المصير...وانداريت عليها وانتي راح تلحكينه قريبا  كولي امين....
ام جاسم_يمه سامحنا...غلطنا بحقكم ...وانا اعتذر وراح اضل اعتذر منك ومن امك لحد ماتسامحوني ...

ضحكت بصوت عالي...

علي_على شنو اسامحكم...على كرهج البلا سبب الي ولامي...لو لانج سبب اليتسمى ابونا عافنا واسس حياة جديدة...ها اخيرا ارتاحيتي من اخذ المرة الجنت تردين يخطبها...لو اسامحج على تعب ووجع وقهر امي وهي تركض من شغلة لشغلة بس حتى متخلينا بعازة العالم...بالله ماتسكتين...خير الكلام ماقل ودل ...انا بس جيت حتى اكوللكم انا لكيتكم بس حتى ادفعكم ثمن كل وجع عشناه انا وامي ...

تقرب مني

جاسم _امرني ابني انت شتريد راح انفذه...

حكيت لحيتي وانا مبتسم...

علي_بيتك تسجله باسم امي وتعتبره مؤخرها المادفعتلها شي وانت مفكرت من وين راح تصرف على ولدك...

سمعت صوت الباب يندفع ودخل واحد وهو لابس بنطلون جينز وقميص بيجي ...عرفت هذا ابن عمي ناجي  حسام....وكفت يتمعني ....انا كبل عرفته لان مامتغير هواي...وهو جان اكبر مني باربع سنين...تقرب مني

حسام_علي ...مو..

اشرتله باي...

كبل تقرب وحضني بقوة...ابتسمت لان جان الوحيد يحبني وعاملني زين وجان يدافعلي...شجم مرة انضرب من وراي لان جان يدافعلي عمامي جانو يطبكوه وياي وننضرب سوه ..

حسام_ولك علي بذات ....شكد دورتك كالو شلتو لبغداد...ودورت مالكيتك...عبن بغداد جبيرة
..

انداريت على ابوي...

علي_اليريد يلاكي اهله هيج يدور يبو رياض...

نزل راسه ...
علي_هذا انا ياصاحبي رديتلكم...بس جيتي مو بالخير...

حسام_المهم رديتلنا...يخوي...وحك الله مشتاكلك بكد رحمته...
***★*****★*****
صخر
مرت يومين وطلعنا رافد لان صحته الحمدلله ...شفت الفرح بعيونه لان اهتم بي...

وعرفت العار فقدت النطق وجزء من جسمها انشل...
هذا عقاب الدنيا والله يشوفها الاضعاف بالاخره...
طبعا وائل بيوم الجينا تقرب مني