الصخر المشوه

البارت الرابع عشر

وعلي اسهرلك وانومنك وحجلك.....
يكاتلني بدبي رجلك وحجلك ....
واتعنى لبيت الله واحج لك....
وارد ابيض واشيلك ذنب بيه ....
******★*****★**
صخر
كعدت من النوم ياران ماكو...بس سمعت صوت الحمام ...باوعت الساعة ...اووو مأذن الفجر ...انتضرتها تكمل حتى انا هم اسبح واصلي ...طلعت وهي تنشف بشعرها ...ولابسه البرنص ...باوعتلي ببرود ...

ياران_صباح الخير...

عكدت حواجبي ....وكمت لحيلي ...تقربت منها وردت احضنها ...

ياران_متوضية ...خليني اصلي وانت هم اسبح وصلي ....وراحت تبدل ...

استغفرت ربي ....وفتت للحمام...شفت معلكة الخاولي والبرنص ...سبحت وطلعت ...شفتها لابسه اسدال الصلاة وتنتضرني ...مل مرة تنتضرني نصلي جماعة..

رحت بسرعة بدلت ونشفت شعري سريع...
ورحنا نصلي ...كملنا وضلينا عالسجادة نسبح ...انداريت اباوعلها تسبح ..وهي صافنة ...اريد افوت لدماغها واشوف بشنو تفكر ولشنو تخطط...

انتبهت عليه ...كملت ...وكامت لحيلها ...

ياران _تقبل الله...

صخر _منا ومنكم صالح الاعمال ..

نزعت الاسدال...ولمت السجادة ...وراحت رتبتها ورجعت ..رادت تنام ...جريتها من تيدها حيل ...وصارت بحضني.......
رفعت راسها ..واني منزل راسي وجهي مقابل وجها...

صخر _اكدر اعرف شبيج ...

ابتعدت عني ....

وراحت تمددت ...

ياران _ماكو شي تعبانة ونعسانة....

صخر _تمام ....جهزتيلي جنطتي ...

كامت لحيلها ..بفزة...

ياران _نسيت اليوم راح اداوم ...اي محهزتلك كل شي ...
رجعت حظنتني قوي ...عفية صخر راح ترجعلي بالسلامة مو ...مو تتأخر عليه...
صخر _ابتسمت وبست راسها...ادعيلي ارجعلج سالم ....

ياران_الله يحفظك النا ...

رحت جبت الجنطة ولبست ملابسي ...وهي واكفة تاكل باظافرها ...جريت ايدها من حلكها...

صخر _موحلوة بعد لتعيديها ...انتي موطفلة ...من شنو خايفه زوجج ذيب وراح يرجعلج سالم...

ياران_امين ..يلا راح اسبقك اجهزلك الجاي. ..

اشرتلها تمام ...
***★****★****

ياران

قررت اعامل الكل ببرود ...ومااعمق علاقتي باحد...شكد حسيت روحي قريبة منهم ....بس طلع محد عرفني اني شنو ...توقعت من الكل يشك باخلاقي ماعده بيبي ...الاعتبرتها امي ..جم مره رزلتني على نود الشغل واني اضحك اكول مثل امي ...بس لا الطلع هي حبتني لان اني زوجة صخر مو لان اني طيبة واحبها...ماشي من اليوم راح اعاملكم مثل ماتعاملوني ...ردت اعاقب صخر هم عالايام الجان يجرحني بيها ...بس من عرفت راح يروح لنص الخطر ...كلبي ماتحمل ...وحضنته ...اريد احس بالامان ..مااريد يروح واحنا متزاعلين...نزلت جهزتله الريوك...كعدت بيبي ...باوعتلها بعتب وكملت شغلي ...اتقربت وجرتني من ايدي لحضنها...