الصخر المشوه

بارت الخامس عشر

ياران ..

اول مادخل وشفت البنات وكال وحدة منهم زوجته بعد ماحسيت بشي ...من كعدت شفت راسي بحضنه وعلى سريرنا .. فزيت من حضنه ...وواختنكت ..

ياران_تتزوج عليه صخر مو ..والله راح اخابر سامان ...راح اطلك منك ...مستحيل اكون على ذمتك ووحدة تشاركني بيك...

لزمت ضحكتي بالكوة ...حجيت بجدية

صخر _شكو بيها مو الشرع محللة اربعة..

نزلت دموعي

ياران_والله معليه ...هسه اطلكها ...رحت للدوام ورجعتلي حضرتك متزوج داع..شية. .

متحملت ضحكت بصوت ..

صخر _ههههه وج تعاي راح تموتين من الحركة والغيرة ...اتشاقة وياج ...هاي لكيناهن بالمنطقة النضفناها...وهذا رعد الاثول جابهن ...ولان اهله مووادم ..جبتهم لبيتنا.

تنهدت براحة وباوعتله بعتب ..

ياران _ايام انتضرك وانت ترجع باول دقيقة تموتني قهر ..

جريتها لحضني ..

صخر _وج شون ابدلج بوحدة ثانية ...

زادت نبضات كلبي ...باوعت بعيونه ...

ياران_صخر ..اني ..

اندكت الباب يبووو جنت راح اضعف واخلف بوعدي...

رعد_وك تعال انزل ماصدكت صعدت..

صخر_جاي ياوجه المصايب

باسني من جبيني ...

تعاي خلي ننزل ..

ياران _انت روح اني هسه الحكك ...

تمام...

نزل رحت باوعت للمراية ..وعيوني المبين باجية ...بالله لو صدك دخل بيوم وكال هاي زوجتي ..شراح يصير بيه..والله راح اموت مااتحمل ...رفعت راسي للسما ربي مااتحمل ...ربي دخيلك لاتخليني اشوف هيج يووم...

دك موبايلي ..اخويه سيروان ...

ياران _هلاو كلبي ...شونك...دومك حبيبي والله الحمدلله اني بخير ..شنو حبيبي كول ...صدك كول والله ...الف مبروك يكلبي ...شنو اسمها حلوة لولا ...ههههه ماشي ماشي ..هاسورية لك تؤبرني لك ..عههه ماشي عود طمني ...سديت الموبايل ...وتذكرت من سافر كال بيوم راح تفهميني ...اني حسيت بيك لان جنت ماره بيها يابعد اختك ...اني هم انجرحت ...بس الفرق اني بالنهاية اخذت الحبيته ...بس انت راحت من ايدك وان شاءالله يعوضك بهاي الابنيه ..وماتكسرك هي هم...

غسلت وجهي وخليت مكياج خفيف..ونزلت واني خجلانة شونك وكعت كدامهم من ورا صخر افندي ..

اول مادخلت للهول ...

ياران_السلام عليكم...

شفت رعد ورافد وصخر بالكوة لازمين ضحكوهم...