الصخر المشوه

البارت الخامس

سامان

..لاول مرة كلبي يدك لوحدة ...لدرجة مهمني شي غير احصلها ....وموافقة ياران رجعلي الامل بعد ماخسرتها ...بس خايف ياران ماتتكيف ويه وضع وتشوه صخر لان اني شايف جسمه حيل واضح اثار الحرك الي بوجهه قليل جم مره كناله اني ومحمد حتى يزرع شعر بوجهه وخصوصا بصيلات مكان الشعر ممتاثر بالحرك بس هو معند يكول من اسوي الي ببالي وكتها انسى الماضي واسوي اي شي تكولون علي...مافهمت شقصده...

خابرت عمامي ...من دروا كالو مدام مانطيتها النا مراح نجي حتى ...

شلت هم اكثر ...مااريد ابين كدام الناس ماعدنا احد ...الله يطيح حظ هيج عمام

خابرت ابو محمد...

ابو محمد _ها بويه سامان....

اتنهدت وحجيت

سامان _عمي اخذت موافقة اختي ....اريد ازوجها قبل لااني اتزوج ...

ابو محمد _لابويه على نفس حجينا الاثنين سوه ونسوي هنا ديوانا جبير ...

سامان_الله كريم عمي المهم ادز النسوان يتفاهمن ويه ياران مااعرف بهالسوالف وانا هنا عندي خالتي....

ابو محمد _ماشي بويه واي وكت جيب عمامك وتعال اطلبها رسمي ولو مو بيناتنا هالسوالف ....

سامان _عمي عمامي مو راضين على خطوبة اختي مراح يجون ...
ابو محمد_ليش ماراضين بويه...

سامان _جانو خاطبيها لواحد من ولد عمامي واختي ماوافقت من وكتها انطونا ظهرهم ...

ابومحمد _هذا هو ولدي وحدك تكفي وتوفي ...

سامان _مشكور عمي متقصر ...

دخلت ياران ....واني كملت مكالمتي ...

سامان _عمي ابو محمد كال باجرالعصر يدزالنسوان ...واني هسه اخابر خالة حتى من الصبح يجون وياج...عمامج ماراضين ومراح يجون...

اتنهدت بقهر

ياران_براحتهم ....

جريتها لحضني ...

سامان _يارا بعدنا بالبداية اذا تشوفين نفسج متتقبلين تشوه الولد..

قاطعته

ياران _اني سبق وكتلك ماعندي مشكلة يعني اذا مجان بي شي وتزوجنا وورا زواجنا احترك يعني اعوفه ...اكيد لا ...
سامان_زين باجر لو قبل الخطوبة اذا شفتي ولو ميبين بوجهه هوايه اتمنى تاخذين وكتج مااريد تخرب نفسية هالشاب ...

ياران _اصلا ميهمني ...والله

سامان _براحتج....المهم باجر عكبة مو تكولين على مودك لوبسببك

ابتسمت

ياران _لاحبيبي اطمئن . 

سامان طلع برا وخابر خالة ورا شويه علوش خابرني...