الصخر المشوه

البارت الثاني عشر

احنا الفاكدين عزاز ...

لحديعتب علينه...

واذا مانسئل ونشتاك

والله البينه كافنيه...
احنا الي نحبهم بالكبور هناك...
ياحب ياعشك من كل شي ملينه ..
****★******★******★
علي

هذا بيت جاسم جبار

تقربت المره وهي دفعت البنيه ...ولي جوه ...

اي هذا بيته منو انت ...

علي _اريده بسالفة كولش ضرورية...منو حضرتج..

_انا حرمته ام رياض

حقدت اكثر يعني ماسس حياة جديدة .

علي _جا وين بيت السيد الوالد..

ام رياض_هسه غير يحجي ويكول منو حضرته .

ابتسمت بحقد ...
علي/_انا علي ابن السيد رجلج جاسم..

شهكت وضربت على صدرها .

ام رياض_عزااا هذا انت علي ....
اتمعنت بيها واتذكرتها هاي بنت اخت ام جاسم الي طول الوكت جانت تقنعه يطلك امي وياخذها ....يعني من صدك بالنعاية هي الانتصرت....

علي_ويننننهم ....

فزت من صحت واشرتلي على بيت مقابل بيتهم...

ام رياض_هذاك بيت جدك ..وجاسم هناك...

عفتها ....ورحت دكيت بابهم ....وانا روحي بخشمي ..

انفتح الباب وشفته هو بس الشيب تارس راسه ...ولازم عوجيه....هو هم صافن عليه يمكن يريد يتاكد هذا اني لولا وكع العوجية من ايده...

جاسم_علي ...وليدي ....فتحلي ايده...
تقربت وهو فرح ...دفعت ايده وفتت للحوش...وافر بحلكي من الحديقة الجبيرة والبيت الجبير ..ودرت عليه..
علي_ماشاءالله وضعك توب ...وعفتنا احنا بعوزة الفلس...لاعفية عليك شون رجال ..

اتقرب وهو يعرج ....ويبجي..ابد مابداخلي رحمة تجاهه ..

خليت ايديه بجيب بنطلوني....

جاسم _والله دورت عليكم ...كالو هاجرتو لغير دولة ...

ضحكت بصوت عالي

علي_هههههه دور جذب وحجج دور ...اريد اشوف ابداعاتك....

ام جاسم_منو انت ....شبيك وليدي تبجي.....

انداريت عليها نفس جبروتها ...ذكرتني بكل ضربة ضربتها الي ولامي ...وكل كلامها السم...

علي_اوووو وهاي اجت الساحرة والشيطان الموجودة بكل قصة ورواية....

فتحت عيونها ....

ام جاسم _عععللي. ..

******★"""★******
انا همومي جهال ...
وترضع دموع ...
اكضي الليل الولو..ومايهيدون...

اون بسكوت موش... بصوت مسموع....
وانا جروحي علج..والوادم سنون
*****★******★******
صخر

الي اخطط لهذا السالفة من يوم الصورة الرانيا دزتها ليارا......وانطيت فلوس لواحد يلعب عليها ...واهددها ....و الحقيرة مكالت لا وسوت علاقة ويا ....اجزمت اي شي يصيرلها تستاهل اكثر منها ...ولازم اخلص من هالقصة قبل لاارجع اداوم... والبارحة خليت يهددها يفضحها يم بيت عيالها واولهم الخنيث رجلها اوووف واجا الوكت الاتشمت بيه....