ياران
العصر بدلت حتى اروح ويه سامان لدكتور على مود السكر....وصلنا جان قبلنا مراجعتين ...كعدنا ...وسامان كعد بصفي ...لزم ايدي ...ابتسمتله ...
سامان_صخر مضلوم ...
اختفت ابتسامتي ..
سامان_لاعبالج احجي لان صاحبي ...صخر السواه لخاطرج ..
حجيت بتردد
ياران_قصدك تزوج على مودي...
سامان_مراح تصدكين ...رانيا خابرته وكالتله مسويلكم سحر والج للموت حتى يحركون كلبه ...
فتحت عيني مصدومة ...وخفت
ياران_شششننو...
سامان_اي ...ورانيا مو لسواد عينكم ..بس رادت ترجع لابنها ..من هاي شارطت صخر ..وهسه هي مصاحبة عفاف واخته حتى يعرف وين وباي كبر خالين السحر
رجفة مرت بجسمي ...وخفت ..
انداريت عليهياران_سسامان صدك تحجي ...وصخر..مايخاف على روحه...
سامان_مو كتلج متلكين مثله. ..يكول بدون يارا ماعيش...وهو اصلا استقصد يجرحج من جابج حتى يبعدج عن الخطر وهن ميشكن
نزلت دموعي. ..
ياران_زين ليش ...اني شسويتلهم...
سامان_مو انتي يردون يحركون كلب صخر
حضني ...واني مصدومة وخفت على صخر...دخلنا للدكتور واني بالي مشغول ..
كلي مرض السكر بعده باول مرحلة ...وانطاني علاجات ...ونوع الاكل ...
طلعنا واني بالي مشغول .....
من صعدنا بالسيارة وهو بس يخابر ومشغول . ..جاب سيرة علي ودانيه...من قفل سئلته ....
ياران_شبيهم علي ودانيه...
سامان_هذا رياض اخو علي اول البارحة من جنا بنجف متهجم على بيته وضارب دانيه ...
شهكت
ياران_عزا ليش مكتولي ...
سامان _جنتي تعبانة....
ياران_اخذني الهم...
رحت لبيت خالة هو سلم وراح لانريمه وحدها ...سلمت على خاله..وضعها معاجبني ...رحت لغرفة دانيه وجهها كله اثار راشدي ...رحتلها
ياران_ياعمري الحمدلله على سلامتج توني عرفت...
دانيه_الله يسلمج حبيبي ..عادي معذورة...زيارة مقبولة
ياران_يعمري تسلمين...
حجتلي شلون اخوها تهجم عليها انقهرت عليها ...بس هي سبق وحجتلي عن اخوانها وامها ...وشكد محروكه منهم.دانيه_ياريت لو ضاله خدامة عدهم...
استغربت لان هي كالت احسن شي خلصت منهم ومجنت مصدكه يجي يوم واخلص منهم ...وهي حبت علي
![](https://img.wattpad.com/cover/331429349-288-k698633.jpg)
YOU ARE READING
الصخر المشوه
Romanceقصة عن صخر انظلم واتأذى من شخص ولم يستطع ان ياخذ حقه لان لم يكن هناك من يصدقه... قصة عن فتاة جميلة حاولت وحاولت مرارا وتكرار ان تتجنب الزواج من اجل حب من طرف واحد و شاءالقدر ان تقع بين يدا صخر لطالما كره النساء قصة عن شاب فنى شبابه ليربي اخته واخ...