الصخر المشوه

بارت الواحد وعشرون

ياران

كعد صخر وهو ميحاجيني ...ايباا كل هذا لان حجيت على علاء افندي ...راح اثبتلك ياصخر انو علاء مو رجال لان لو رجال ماجان مد ايده على وحده ..
طلع وهو مبدل ..

ياران_عيني صباح النور ...باوعلي بلا مبالاة

تقربت عليه...

ياران _هسه اني شحجيت وحضرتك شايل خشمك علينه ..باوعلي

صخر _يارا ...اني صحباني روحي من الدنيا ...وهذا علاء ورعد عندي مثل سامان وعمي محمد ...

ياران _ماشي عيني مراح نحجي على السيد علاء ..

جرني من خشمي ..

صخر _معلينه بمشاكل العاالم ...وانتي هم يارا ادريج شكد فضوليه وسبق وكتلج نهاية الفضول مو حلو ..

ياران _تمام عيني بدون تهديد فهمنا. .

صخرر _يااارا مو تضحكين عليه ...والله اذا دريت بعدج تلاحكين الموضوع ازعل عليج ...وتعرفين زعلي ثجيل ..

هزيتله براسي بس وين واني الفضول والدفاع عن المراة تربع براسي ...

نزلنا جوه ...شفت البنات كاعدات بصف جدو...

ابو محمد_همزين نزلت بويه ...هاي البنيات كدامك ...طلبتهن للولد وهن موافقات ..

صفنت ..يابنات ياولد ...معقولة قصده غالية ورتاج ومنو الولد ...

صخر _بويه ...انا شحجيت وياك..

غالية _خوية صخر ...كلام جدي صح ملازم نضل هنا ...بس جدي انا من يوم الدخلت حسبتك جدي انا اسفة بس مستحيل اتزوج بمحمد ...

نضراتي راحت لعمو شفته يباوعلها بلا اهتمام...

ابو محمد_ليش بويه ...

غالية _جدي انا اذا قبلت اتزوج محمد ..معناها راح اثبت التهم الذبوها عليه ...ادري حاولتو محد يوصلي الحجي بس الحجي وصلي ...ولذالك مستحيل اخذ محمد ....

كام محمد لحيله ..

محمد_الج خيارين لو تتزوجيني برضاج لو غصب ...

صخر _محمد ...ماعاش اليجبرهن وانا عايش

محمد_صخر....اذا غالية ماصارت الي ..راح نتخارب ...

ابو محمد_بس ...كافي احترمو وجودي ...بنتي غالية اذا مشكلتج بس حجي العالم ...يابنتي اذا هسه هم طلعتي راح يحجون ويكولون احنا الطردناكم لان جلامهم صح واذا اخذتي محمد صح راح يحجون بس فترة وينسون بنيتي ...وبعدين انا عرفت بيت عمج ديدورون عليج ...والعرفته ابوج الله يرحمه الجان موجفهم شنو اليخليج واثقة مراح يلكوج ...ان لكوج راح ياخذوج جدام عيونه واحنا مانكدر نمنعهم....القرار الج ...وبالنسبه لرتاج وائل هو الجاني وطلبها مني ..

غالية _جدي ....انتو تعرفون حالة رتاج..

ابو محمد_وشبيها ...هيانه وائل لكالها احسن دكتور ...وان شاءالله راح تتعالج على ايدينه.