الصخر المشوه

بارت السادس عشر

هبة_حجيت بخوف عملية شنو ....

جاوبني ببرود ...بس عيونه تحجي النار البداخله ...
علاء _عملية ماادري عندح كيس مدري شنو
هبة _حجيت باستغراب ...كيس ...بس اني ماعندي اي وجع...

باوعلي بغموض ...

علاء _مرات الوجع يجيج فجأة من مكان ماجنت متوقع بحياتك تأذيك...

عرفت قصده عليه ...دمعت من الخوف ...لان ادري علاء كلبه اسود وراح تبقه هالسالفة تاكل وتشرب وياه لحد مايعدمني العافية ...همزين اجت هالعمليه ومراح يأذيني ...

هبه_علاء ...

خله اصبعه على شفتي ...

علاء _اششششش ...جا ماتردين اطفال مني مو ...والله لخليج تحبلين باكثر من جاهل ...وعلمج الغدر شون يصير ... 

خفت من تهديده بس اخذت موضع الاني بي وقررت ابررله كله منه...

هبه _كله منك ...حبيتك اكثر من روحي ...بس انت انت لاتحجي بالغدر انت البلشت بالغدر من ضليت تشك بيه وتضرب وتعاقب لحد ماخليتني اكره نفسي واكره الساعة الحبيتك بيها ...اذا كل شخص يحب وهيج ياذي حبيبه معناته الحب اكبر جذب بهالعالم ...انت متحبني ...انت ردت تملكني انت عاملتني مثل الجارية ...اذا تشك ممنن اخونك ليش تزوجتني هااا ليش تزوجتني ...اذا ماكدرت تقدملي الحب والامان ليش اخذتني من بيت تعودت وتعلمت بي عالحب والامان ...تعرف تعرف خليتني احلم احلام وردية تالي انصدمت بكابوس اسود ....حرمتني من اهلي ...من خواتي من اي شخص يقربني ...انت حتى اهلك حرمتهم يدخلوني ....

طول مااحجي يباوعلي باستهزاء ...

علاء _ههههههه كتيلي جنتي ببيت علمج الحب والحنان ....هو مو صوجج صوجي اني الجنت احميج منهم اهلج. ...ههههههه اهلج الباعوج الي ...مو جا سمعي وعرفي من الغدار انا لوانتي ....اهلج امج واخوج التزامطين بي ..هو الي ساعدني بالمرتين من انهزمتي ...اتقرب مني وهمس يم اذني مقابل ٥ملايين

جا شعبالج ...ههههه فهموج ميكدرولي لان غني. ..اي ميكدرولي لان غني واخذو مني فلوس براسج .....

هزيت براسي لا واني مو مصدكه...

خليت ايديه على اذني

هبه _جججذاب ...جذاب تريد تحرك كلبي ....

خله ايده على حلكي ...واشرلي بايده الثانيه

علاء _اششش ...

طلع موبايله ...وفتح السبيكر ...
عباس _امرني نسيب...
علاء_شونك ...

عباس_دام انت موجود ...احنا بخير يالنسيب ...
علاء _انا دوم موجود واي مبلغ تحتاجه كلي وانا مااقصر ...

عباس _خيرك سابق يالنسيب ...

علاء _عباس اختك مضيكه خلكي ...ويمكن ارجعها الكم ...