الصخر المشوه

الثاني والثلاثون

هبه

مرت الشهور وانا بعدني عازلة عنهم ....
كمت اسوي شغلي ...وادخل غرفتي ...بيوم وضعي تخربط هوايه ولعبانه نفسي ....كل ساع استفرغ ...
شكيت انا حامل ...شون وانا اخذ احتياطات لان ورا الاسقاط الدكتوره كالت ارتاحي جم شهر اقل شي ٦شهور ...دكيت على علاء ....

علاء_ها حبيبي ....

هبه_عليوي ...شونك

علاء_عيون عليوي ...الحمدلله مشتاق

هبه _عليوي ...ارد اطلب شي .

علاء_اطلبي يكليبي ..

هبه _جيبلي فحص حمل من الصيدليه ....

ضل ساكت.
هبه_حبيبي وياي ...

علاء_هااا اي ...هباوي صدك تحجين ...

هبه _والله ماادري شاكه ...

علاء_اويلي خيعونك عليوي راح يجيلك طفل ومن منو من روحك ....وج اروحلج فدوووة...

ابتسمت على صياحه ....

هبه _هدي حبيبي هذا مجرد شك ..

علاء_ولج لاتحبطيني ...ماشي كلبي عندي شغل...

قفلت ...وكمت حتى احضر الغده....

دخلت للمطبخ ...عمه كاعده ومبينه باجيه ...وليلى كاعده من دخلت تباوعلي بمكر..

هبه _ماما شسوي غده ...صح مااكعد وياهم بس بعدني احترمهم واحبهم ..مجاوبت صافنه ...عدت كلامي ماما ..

فزت

ام علاء_اي يمه ...

هبه_شطبخ ... خلت ليلى ايدها على بطنها ...

ليلى_والله عمه انا اتوحم على تشريب لحم...

وكع مني الطاسه مال التمن ...وانا مصدومة ..شنو يعني ..باوعت على عمه ...تياوعلي وهي مقهورة عليه .
اتقربت وانا مصدومة ..

هبه _شقصدج..

ليلى_الفهمتي يروحي ..انا حامل من حبيبي علاوي

غصة ببلعومي ...ماكدرت احجي ..وراح مني النفس ....

كمت افرك بصدري ....وانا مامصدكه ....اي بالفتر الاخيره جنت اروح لامي لان اختي الجبيرة اترملت وجنت اروح حتى اواسيها خطيه حتى اطفال مصار عدها.... ...معقولة علاء غدرني وتمم زواجهم...صاحت عمه واجتني ركض...

ام علاء_يم اسم الله ...يمه هباوي ..اخذي نفس يمه ..وجج صار ازرك اخذي نفس ...ماحسيت غير شهكت شهكه من ذبت عليه عمه ماي باارد لان الدنيا شتت ...

صحت

هبه _اااااااه ..

ام علاء_يمه سلامتج من الااه ...

كعدت بالكاع ...وانا جسيت كل حيل ماضل بيه

كامت لحيلها

ليلى_اوووي شنو هالدراما ...اكيد عاقد عليه وراح يجي يوم ونتمم زواجنا ولاتنسين انا هم عندي حق بي ...