الصخر المشوه

البارت التاسع

ياران كعدت الصبح ...وايديه توجعني هوايه ...فركتها وباوعت عليه وعالغرفة ...وفستاني الابيض الواكع  بالكاع....
دمعت عيوني ....من شفته كام يتحرك كبل كمت وركضت للحمام ...دخلت وباوعت على نفسي ركبتي متشوهه ... وباوعت على ايدي مكان لزمته وهو ضاغط عليها ...اندكت الباب ...سبحت بسرعة ولبست البرنص ....وطلعت ...شفته ماكو بمكانه بسرعة رحت حتى ابدل لبست قفطان ...ريم اخذتلي ياها هديه لان احنا يمنا ماكو هالسالفة وهم كلتلي على سالفة العائلة يعني الكبار ينطوني فلوس ماادري كالتلي ريم يسموها شنو بس نسيت ...احنا هاي السالفة هم ماعدنا.....

من طلعت واني لازمة الخاولي وانشف بشعري .....وخرت الخاولي واني منزله راسي شفت رجلين كدامي وخرت الخاولي وباوعت عليه...شفت يباوعلي بقهر

وخرت من كدامه..وتوجهت لميز التواليت وشغلت المجفه (الفير)وانشف بشعري اجا وكف كدامي واني هملته ....وكملت شعري ....ولفيت شعري وربطته ...ولبست الكاب ورحت جبت حجاب ....القفطان جان ابيض وبيها خرز نيلي وذهبي ...واني لبست حجاب ابيض ومطعم نيلي...
كملت الحجاب وخليت باودر و كحلة وماسكارا وحمرة وردي فاتح ...
ولبست ذهبي ....وهو بعده واكف يم ميز التواليت ومنتجي عالحايط ....من كملت جتفت ايديه وباوعت. عليه ...

ياران_خيير....باقي شي تريد تكوله لو تسويه

اقترب مني ...ولااراديا فزيت ....ورجعت لورا وهو رفع ايديه...

صخر _تمام مراح اتقرب ...بس اريد اكولج شي

ياران_كول التريده وانت بعيد عني ...وجودك بحياتي مجابلي غير الوجع ....

تقرب بسرعة وجرني لحضنه وخله راسي على لحضنه ...واني جامده ....وخرني ولزمني من جتفي ...وباس جبيني ...

صخر _اتمنى تسامحيني ...سامحيني واني احلفلج ...مراح يتكرر الصار ...والله حقج حتى متباوعين بوجهي ...بس صدكيني لو تعرفين البداخلي  مااكول ولاابررلج لان شمااكول هذا مو عذر السويته بيج البارحة بس اتمنى تنسين ونبلش من جديد واني اشكر ربي الخلاني ارجع لوعيي باخر لحظة والاجان اني مااسامح روحي لو جبرتج عليه ...شو باوعيلي ياران .  

ياران _تمام اسامحك بس بشرط ...تكولي الخلاك تصير وحش وانت مجان بيك شي.....

اتنهد ..وجر ايدي وكعدني عالجرباية...

وبعده لازم ايديه ...وحاضنها ومخليهن بحضنه...

حجه بقهر....

صخر_البارحة من جنت اريد افوت للغرفة بعد مازفوني ...اجت ذيج الجلبه...

***"*★***""""”******
نرجع لليلة الزفة..

بعد مامشيت الولد ....ردت افوت للغرفة ....

رانيا _اوووو يعني خلاص عريسنا راح يزفوه ...بس خطية اليوم مراح يشوف نضرات سعادة بعيون زوجته ...راح يشوف بس القرف من تشوف تشوهك...هاي اذا اصلا خلتك تتقرب منها بعد ماتشوف كمية القرف...