علي
دخلت يم امي ..وانا اشوفها متمدده بلاحيل ولاقوة ...هاي امي ...امي الشمااسولف عنها واداريها وبعدني مقصر ...امي الكبرتني ووصلتني للانا بي ...امي الصارت مرة ورجال بنفس الوقت خلتنا مانحتاج احد ...صح عشنا بعازة ...بس الحمدلله حالنا جان احسن من حال الاف الناس ...وصلتني لهنا وانا افتخر اكول بين العالم هااي امي ...حتى بيوم تخرجي اخذتها وكلت كدام الكل هاي امي هاي الوصلتني لهنا ..بس اليوم هي بهالحالة بسببي ...بسبب حقدي وغضبي على ناس ماتسوه....كعدت بصفها ...لزمت ايدها ...ونزلت دموعي ...نزلت دموعي لان خذلت امي ...نكرت تعبها ...وبينت للناس انو هي معرفت تربيني ...بس لااا يستاهلون الصار والراح يصير بيهم ...الاخذت مو طمع ...لا حلفان وانتقام حلفت اخذه...حلفت اذبهم بالشارع ...وهذا الصار ...قليل الصار بيهم ...قليل مقارنة بالوجع العشناها احنا جم سنة هجرنا ...سنين مافكر بيوم يجي ويسال ويدور ...
مسحت دموعي وبست راسها ...
علي _كعدي يمه...والله راح اضل كاعد جوه رجليج لحد ماتسامحيني ...كعدي وراح اسوي التردي يووم ...
طلعت بره ...فتحت موبايلي الجنت قافله ..
ابن عمي ..انطيته رفض ...مااريداي احد من هالعائلة كرهتهم وحقدت عليهم كلهم...حتى دانيه الشفتها بريئة حقدت عليها ...
شفت سامان كاعد ...وماخذ بخاطره ...هم حقه ..كل حياته يعتبرني اخوه الصغير ...وانا ضميت عنه شي جبير...
كعدت بصفه ...هو مسوي روحه مشغول بالموبايل...
علي _انت مو سامحت سيروان بعد غلطه...معقوله ماتسامحني انا هم...
جاوبني بدون ميباوعلي..
سامان_سيروان سامحته ...لان اجا واعتذر وحس بغلطه وكال غلطان...بس انت بعيونك ماشايف لاندم ولااي شي ...كام لحيله ...
عود اذا ندمت واتعذرت وخالة سامحتك ...ذاك الوكت انا هم افكر اسامحكم...
عافني وراح..يمكن كلامه صح ...بس محد عاش الانا عشته ...جنت باكثر وكت محتاج اب يشد حيلي من صغري يشوفهم يعاملوني مثل الغريب وياذوني بيوم محاول يكللهم هذا ابني ...وابنكم...ولاحاول يكاطعهم لان يظلمونا انا وامي ...ومن صار ابراهيم ...صار وحش اكثر منهم...يستاهلون كل وجع وقهر راح يعيشوه...
ثاني يوم كعدت امي ...من دخلتلها ..باوعتلي والعيون مدمعه وحجت بصوت تعبان
سماح _ها ياابن بطني شمت الناس بيه وبرباتي ...حيل بيه واستاهل انا صوجي من كسرت ظهري عليكم. ..هاابوك شنطاك بيت وسيارة ...نستك هالعز الام الكسرت ظهرها عليك ...انا مااكولن اكره ابوك ...بس ردته هو اليجي ويتمناك مو انت تروحله لخاطر جم فلس وتنسى كل المرينا بي
علي _يوم عبالج على مود الفلوس رحتله ....لاوحك الله رحتلهم بس حتى اخرب حياتهم واطلع حكنا من عيونهم ...تدرين تزوج منو اتزوج الامه جانت تعرضه عليه بوجودج ...وهو جان ينزل راسه ويكتفي بجلمة يوم ماعندي ...بدل مايسكتها يكول انا اريدن حرمتي وولدي. ..بس لاااا احنا جنا الهامش بحياته ...بس هسه لا راح اخرب حياتهم
VOUS LISEZ
الصخر المشوه
Roman d'amourقصة عن صخر انظلم واتأذى من شخص ولم يستطع ان ياخذ حقه لان لم يكن هناك من يصدقه... قصة عن فتاة جميلة حاولت وحاولت مرارا وتكرار ان تتجنب الزواج من اجل حب من طرف واحد و شاءالقدر ان تقع بين يدا صخر لطالما كره النساء قصة عن شاب فنى شبابه ليربي اخته واخ...
