أسير الخطايا قـضية محو الذنـوب

part 1 ♡🖇

الكاتبــهہ‏‏""بنت مـهہ‏‏دي🫀

المر الـِ بيه إذَا مرك يدمرك .💬

🦋.______________. 🦋

طيبت للجامعه متاخرة مثل كل يوم انتقام طاح براس السايق انضربت ببنت صاحت علي

:- عمه حتى عمه ما تشوفين؟؟

ابتعدت عنها وكلت
رواني:- اسفه والله ما منتبه اعذريني

هزت ايدها ومشت والله واضح يومي يبشر بخير من اولى قررت امشي على كيف حتى ما اسوي كوارث اكثر واضل اصيح اليوم منحوس

طبيت القاعه الدكتور واكف من دخلت نزل نظارته باصبعه وباوع علي من فوك ليجوه رجع باصبعه نظارته على عيونه رفع ايده بالاوراق الي بيهن يقره وكال بكل برود

:- اني كايل محد يدخل وراي

توني اريد افتح حلكي وانطي عذر كال

:- طلعي برا

مشيت برة وكعدت على المسطبه انتضر محاضرته تخلص بس الوقت ما يمشي سريع صار كلش يمشي ببطىء قررت اروح اشتري شي من الكفتيريه واكعد اكل على قليله ماكو درس احرم نفسي من الاكل واسوي نفسي مقهورة؟ اكيد لا

اول ما دخلت اشوف هواي موجودين بيها

مو وقت محاضرات ذولي شعدهم هنا؟

اشوفهم يضحكون متونسين مو شگول مال طلاب
مطرودين من محاضراتهم واني حتى حجابي انعوج من القهر رحت اشتريت كهوة بارده وكيكة دفعت عليهن نص سعر كليتي لو ادري هيج اسوي لفه جبن من البيت طلعت لازمه الكهوة بايد وبنفسه لازمه السجل والاحد الثانيه لازمه الكيكه والجنطه ادور على مسطبه بالحديقه فارغه اكعد عليها امشي واني اكل وشفت ابو بريص بالكاع وكفت اجه يركض باتجاهي بعدني ما صحت بس التفتت قوي واجيت اركض انضربت برجال ضربته بالسجل وانجفت عليه الگهوه وكل هذا ما اهتميت رجعت التفتت اشوف وين راح لكيته ينزل
على الحديقه بين الزرع

باوعت الرجال لازم خشمه وصافن علي
رواني:- اعذرني والله مادري والله

حسيت بروحي تورطت فوك الخجل اجيت انسحب دنكت شلت السجل من الارض باوعت لايده بيها دم

رواني:- هايي شبيه خشمك؟؟

خزرني بقوة واضح عليه مو من الطلاب مبين عمره اكبر من هيج اعمار دار وجه وحاجه وهو يباوع لغير جهه

:- واحد اعوج دعمني يمشي بالعرض

ردت اعيط بي و باوعت لملابسه متوصخه وخشمه ينزف طلعت كلينكس من جنطتي وبطل ماي بارد وانطيته سحب من ايدي مسح ايده وفتحت بطل الماي وصبيت اله بايده غسل وجه وكعد على كرسي باوعت لخشمه صار بي اثر ضربه بس هدء النزف