أسير الخطايا قـضية محو الذنـوب

part 9 ♡🖇

الكاتبــهہ‏‏""بنت مـهہ‏‏دي🫀

ࢪاح ومن وڪتها الجفن ممغمضه

ولحد الان حايࢪ بيمن اتوضى

اضم بصوࢪته وخايف عليها تضيع

ومدري شلون ذب ڪلادتي الفضه...

لاتنسون التصويت للباࢪت + متابعه للحساب وتعليقاتكم الحلوة بين الفقرات

🦋.______________. 🦋

رحنه وراه لكيناه كاعد كدامه ودحام واكف لازم عبد العباس من جتافه ويضحك

من شافنه لزمه كعده بحضنه وضل يدغدغه وهو ممصدك يضحك بكل قوته وصوته بالضحكه قوي وعالي ماعبالك طفل اباوع على ضياء على ضحكهم يضحك وكلما ضحك دحام بصوت عالي هو يفز

ضل يصيح عليه ويخزرة

عبد العباس:- لك انتَ شنوووو

اني من يمي خفت بس ابني ولا عبالك طفل يلزمه من وجه ويحاول يدخل صبعه بعيونه

عبد العباس:- لا تذب ميانه ابوك مامخلي صبعه بعيني ضياء شو الزم ابنك

شاله وقربه من ضياء بس سحبه بايده هدئ بشكل فضيع خباله بس يم عباس

ماعبالك طفل انتجه راسه على صدر ضياء يباوع لعبد العباس شلون يسولف وي ضياء

صبيت الهم اكل اكلوا وهمه يحجون بيناتهم وجان كلامهم كله عن السوق ومرات يذكرون قاسم بطراطيش كلام وميخلوني افهم وبس ابلش اربط
ضياء يغير السالفه كلها مرات اشوفه ضايج اعرف قاسم السبب بس ما جنت اطلب يحجي الي

عندي انو تكون تسمع للطرف المقابل وتخليه يحسيك بالامان ويحجيلك وقت الي يحب والي يحسه مناسب

يحجي تبلش تستمع اله افضل من انو اسحب منه الكلام وهو مجان بنفسه يحجي الي او يفضفض بطريقه او بأخرى

دحام وعبد العباس زاد تعلقهم رغم عمر دحام بس تعلقه واضح وكل ضحكهم جان يزيد من يجي عباس وكل هدوئ دحام الي كدامي يختلف بوجود عباس وجان يصير يم ضياء اهدئ احسه يخدر من كثر هدوئه المخيف حتى لو يتضايق مايبجي ولا يضحك ولاشي وجان كلش ضياء يحب هدوئه

اخذت ابني من ضياء ورحت للغرفه انومه واسمع كلامهم بلشوا يفتحون مواضيع هواي قليل من انو يسولفون بحماس هيج كدامي بس ماجان عندي فضول عن مواضيعهم وانطيتهم خصوصيه تأمه ومساحه خاصه بيهم كأخوان

كل همي صار دحام يكبر بدون مشاكل نفسيه او صحية وره فتره قصيره نام ونمت اني بصفه ومااعرف على نفسي بــيا ساعه نمت وكعدت لكيت الدنيا فجر وضياء نايم يمنه عدلت نومة الطفل وكمت توضيت وصليت كعدت ضياء واني اسويله ريوك كمل صلاه وأجه اكلنه سوه