الگاتبــهہ بنت مـهہدي🫀
يكسر خاطري الما گادر اجبره
ويكسر واهسي الما گادر اعبره
لا گادر اطلعك من خلايا الراس
ولاگادر محبتي وياك اطورها
مثل خيط الأذن للخدمه باقي ويای
بس يلكه التراچي خيوطي يشمرها
هذا الحساس يوجع من تحب انسان
وذلت الما يحب مجبور تجرعها
وهمزين الدمع صاحب فضل ع الروح
النار البصدر دمعات اطلعها
ومجبور انتظر ودری القطار اوهام
لا ماخذ حقيقه ولا يرجعها
ومرات العشك مثل القصيده يصير
يكتبها بوجع ويموت شاعرها
وانه الكاتبك سر بزوايه الروح
وروح الميت والا ينكشف سرها
لاتنسون التصويت للبارت +متابعه للحساب
وتعليقاتكم الجميلة بين الفقرات ♡
🦋.______________. 🦋
فتحت عيني على صوت قوي بالمطبخ كمت من فراشي بسرعه ورحت اركض على مصدر الصوت من وصلت
شيماء:- على كيفك شدعوة
دحام :- ماتكولين اكو جلب نايم ليش هيج الصوت؟
شيماء:- جاي نرتب اني ومرت عمك البيت
التفت عليها شفتها مخليه حسين بحضنها وتهز براسها تايد كلامها رجعت
اباوع لأمي لازمه الجفجير بأيد والجدر بأيد باوعت للكاع كلها صواني متروسه اماعين والكاونتر مفتوح بابهَ فارغ
دحام:- على شنو هذا التنظيف حتى ماكو عيد بس لا راح نشيل ؟ شيماء باوعي عليه
شيماء:- غير خطوبة ابني
دحام:- ياهو منهم؟
رجعت تباوع لام حسين وتاشر بالجدر على الصواني
:- اريد اغير هذا اخلي هنا والمواعين اصفطهم هنا
معصومه:- اي صدك يصير مرتب بس هذول خليهم هنا ليش ضامتهم
شيماء:- لا داده هذول محلوات هذول احلى
معصومة:- بعد كيفج
اني رأسي يتحرك بين امي وعمتي وهنه يتفاهمن على الترتيب
دحام:- ماكو أبن خير يكلي شراح يصير وخطوبت منو
معصومة:- سبوع الجاي سبوع الجاي
شيماء:- لا عيني ام حسين هذا الخميس
معصومة:- لا داده شوكت تلحكون
شيماء:- ليش شنو عدنه يا معصومة خلصنه كولشي
معصومة:- والبنت لعد بس انتم شنو
تدك على الكاونتر وي كل ملاحظه وتحجي
شيماء:- شنو عدها قابل اروح وياها شيرادلها فرت سوك
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
