لگآتبهہ""بنت مـهہدي🫀
احضني
اني ضلوعي مشتاقه لـ أيديك
وابقى حاضني وابد لتعوفني
لا تذب روحــي اذب روحــي عليك
وخلي هاي الناس كلها تشوفني..
متابعه لحسابي + لاتنسون التصويت للبارت
والـ كومنت بين الفقرات 🤍
🦋.______________. 🦋
عبد العباس:- اني جم مره كتلك لا تصرف بدون علمي دائما تعال أسالني بالاخير يطلع قاسم يروح ويجي عليكم واني حتى خبر ماعندي ليش يابه
تحركت شفايف دحام يريد يجاوب حجيت بصوت واحد
:- اني كتله
التفتوا علينه ثنينهم ورجع عباس باوع لدحام وخزره
عبد العباس:- حتى لو امك توصيك اني مافد يوم تصرفت شي جبير بدون لا اطرحه عليكم وانو تضمون عليه موضوع يصير بهل بيت هاي واكفه وخاصه قاسم يجي للباب الناس شتكول عليكم؟؟
لا دائما تصرفون بخوف اخذوا رأي وفهموا الموضوع عدل مو من اول جواب يجي ببالكم تنفذوه
الموضوع مو هيج بي حرمه انو يوكف كل يوم والثاني قاسم ببابكم
شيماء:- ماردت تتعارك وياه
جاوب باستهزاء
عبد العباس:- ليش هسه لعبنه توكي؟
ضليت مدنكه ماجاوب سحب دحام وطلع برا يحجي وياه بعدين رجعوا وكعدوا ولا كأنما صاير شي
دحام:- الغده جاهز؟
شيماء:- يي راح اصب الكم
هزو راسهم بنفس الوقت مرات الشبه بيناتهم فضيع يضل بس اختلاف بالشكل والطول
مرات لا دحام يصير نسخه من ابوه هدوئه وكعدته وحركاته وهواي تفاصيل بوجه
كعدوا يتغدون وهمه يتناقشون على البضاعه الجديده وجان عباس يسأل دحام على ابسط شي صح هو زغير بس هو يسأله حتى لو ماياخذ برأيه اهم شي يخليله قيمه ويخلي يفكر بحلول ويعلمه شلون يميز بين الصح والغلط
جانت دائما اسمع الشارع يربي مو بس البيت وهل شي شفته بعيني لان من تكون بالبيت مراح تعرف تميز بين الخيال والحقيقة بين الي يريد مصلحتك والي يريد مصلحة نفسه
خلصوا اكل صاح الي عباس رحت عليهم بسرعه
:- ها خويه
مسح ايده وحده بالثانيه وكال
عبد العباس:- خويه اريد ازوج واريدج تخطبيلي
ابتسمت بصدمه ما جان ابالي يقبل يزوج بعد موت مريم لان بكل مره نفتح الموضوع وياه يسده بشكل نهائي وقاطع
أنت تقرأ
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
