الگاتبــهہ بنت مـهہدي🫀
خسرنه گلوبنه الما عرفت تعاشر
خلصنـه العمـر مـن باچر لـباچر
خلصناها تگظي الله كريم تهون
واحنه جروحنه شما كبرت نكابر
وادمنه اعلى طيبك تستغل البيك
ومن توگع لجلهم تنحسب خاسر...
لاتنسون التصويت للبارت +متابعه للحساب
وتعليقاتكم الجميلة بين الفقرات ♡
🦋.___________. 🦋
كمت بسرعة باوعت لامي وهي تعلك القاط الجابة عمي بالكنتور باعت علي وكالت
شيماء:- خوش قاط مو؟
دحام:- ما دام ابوي جابه حلو
باوعلي عمي وابتسم
عبد العباس:- تستاهل هدية عرسك هاي
جان يوم كلة ونسه مدام عمي موجود بالبيت جان كلشي حلو وعائلة وما اجه احد لحد العصر اول من اجه اهل عمتي ومن ضمنهم ام صلاح الي كبرت بالعمر وصارت ما تطلع امي بين فترة وفترة تروح الها
بلشت الناس تجي واجو ناس مرتبين الواضح عمي يحبهم حيل ويحترمهم
لحد ما صارت الزفة كلنه طلعنه بسيارات صعدت امي واني اباوع عليها شوشو مخليه لون وردي لخدودها ولابسه بدلة لونها ابيض كلش فرحان امي راح تللبس الالوان وره ما عوفه ابوي وهي باقيه بالاسود
ردت اصعد لزمتني ايد من كتفي
باقر:- والعباس اروح وياك
باوعتلة لازم دفوف يريد يدك عليهن
دحام:- تعال اصعد
صعد وياي بالسيارة وغير جو العرس من عرس هادء لعرس كله اغاني وهوسة وصوت دفوف لحد ما اخذنه عذراء من البيت ورحنه للتصوير عذراء تباوع بعيوني ولازمتني متقبل تتركني لحد ما وصلنا للبيت بقيت بالشارع وي الزلم لليل راح الكل ودخلت اني وعمي
امي تطش جكليت علي لحد ما دخلت باب الغرفة وسدتة
وكفت واجت علي وكالت
عذراء :- دحام لازم احجي وياك
هزرت راسي موافق
كلامها اخترق مسامعي
عذراء:- والله ضحك علية وكال اتزوجج
دحام :- ما انصدمت بيج شما يطلع منج منج ما انصدم صدكيني
عذراء :- لا دحام لا والله تبت
دحام:- لتذكرين طاري الله بحلكج ما تبتي لا والله ما تتوبين لو صدك تغيرتي جان حتى باسلوبج بين بتصرفاتج بين من اول لحظه شفتج بيها ما ارتاحيت الج كلت وراج يطلع كلشي البنت الما عدها خجل كلشي يطلع منها
لزمت ايدي وكعدت بالارض تبجي
عذراء:- والله تبت والله تغيرت
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
