أسير الخطايا قـضية محو الذنـوب

part 44 ♡🖇

آلگآتبهہ‏‏"" بنت مـهہ‏‏دي🫀

عود دروك الدرب بس ضيعوك
وخذو المرات وانطوك النوى
وانت عطشان وايد ما شربوك
ويا سراب الي عطش منه ارتوى؟
اني درت انساك بس شوكك جبير
ردت اكلك روح والفضها تعال

متابعه لحسابي + تصويت

وال ڪومنت بين الفقرات 🤍

🦋.______________. 🦋

لحد ما كعدت عرفت هذا حمام من بيت متهالك خلو كدام بابه كنتور لان هو داخل غرفه ما راح يبين ابد لان الكنتور جبير حجمه

:- صار شكد الكم هنا؟

محمد:- من الغروب هنا ما لكينه مكان احسن ما نكدر نفتح اي لاقطه صوت او شي حتى نتواصل وي المقر مالتنه لان اكيد راح يوصل لارهاب نقطه مكانه وراح ننكشف

هزيت راسه متفهم كلها كاعده ومركزه ما عرفنه شنو نسوي انتضرنه لحد ما صار الصبح وطلعنه من هل مكان اما راح نرجع اله لو احتاجينه ولليل ما كدرنه نطلع من المنطقه او نطلع ونصير ندافع مع بقيه الجيش

طلعنه ومشينه مسافه هواي جانت المنطقه عبارة عن بستان خضارها عالي واحنه نمشي واحنه مدنكين للارض شبه نزحف بس واكفين على رجلينه عبرني مسافه هواي لحد ما وصلنه كدام جامع لا نعرف الي بداخله من الي ساكنين بالمنطقه او داعش مشينه بعيد عنه طلع من عدها واحد باوع النه وصاح لمجموعه واجو علينه وصار اشتباك قوي بسرعه محمد طلع جهاز النداء مالته ووجه نداء حتى تتقرب من منطقتنه وموقعنه سيارة وتاخذنه

جان الاشتباك قوي ومن ضمن الرمي الطايش منهم رصاصه جانت اقرب براسي خلت كل تركيزي يصير وين اوجه سلاحي

صاح بصوت حتى كلنه نسمع
محمد:- حاولو تنسحبون على كيف

اجت سياراتهم من بعيد سيارات سود وحسينه هاي نهاية الطريق خاصه بعد ما صار صوت سيارة ورانه بس من صاح واحد من الولد

:- صعددو

فوراً صعدت لحد ما صعد الكل صرنه ندافع بطريقه حتى سياراتهم ما تكدر تتبع سياراتنه

صرنه نشتتهم يكون توجيه السلاح على اطارات السيارة او على السايق لسيارتهم

لحد ما بلشنه نمشي بامان لمده دقايق بعدها صار يمشي على طريق كلش منحدر ومزعج حتى لا يحاصرونه لان المنطقه شبه فارغه الهم

كاعد ومحمد كدامي

:- منين جابو كل هل اسحله شلون اخذو الاراضي بهل سرعه شلون بعدهم ينتشرون ويكثر عددهم ما يقل