آلگآتبهہ"" بنت مـهہدي🫀
ونشـدوني على آوصـآفڪ حࢪت ࢪآويـتهہم گلبي❥
متابعه لحسابي + تصويت
وال ڪومنت بين الفقرات 🤍
🦋.______________. 🦋
ابتسمت اله وكمت شلت الاكل بسرعه عبالك راح اشرد ورحت بدلت ولبست الحجاب لحد ما شفته مكمل تبديل لبست العبايه
وكف بالباب وكفت وراه باوع للشارع يمنه ويسرى
تحمحم وكال
ضياء:- يلا امشي
طلع يمشي كدامي وامشي وراه ماكو مسافه طويله بين بيتنه وبيت اهله بس جنه مانروح الهم هواي
دخلنه لبيتهم اهله متوفين
بالبيت اخوه وزوجته
جانو اهله ماراضين على زواجنه وبهل حاله من توفوا علي رغم اني وضياء كولش نحبهم وما اذيتهم اني ابد
استقبلنه اخوه بصوت واحد يهلي ويرحب
عبد العباس:- اهلاً وسهلاً زارتنه البركه شنو ضياء وينك اخوي لا تجي لا تسأل
ضياء:- والله شغل
عبد العباس:- لا تسوي الشغل حجه كل يوم والثاني تعالوا علينه
دخلت علينه زوجته مريم
سلمت مريم على ضياء وتقربت علي بوستني وكعدت بصفي تسولف وياي وتسألني عن حالي بالحمل
ح
يل راضيه بحياتي اشوف مريم مامقصره وياي وضياء يحبني وعبد العباس يحترمني وعندي جارتي كانو اخت عوضوا كل النقص الي بگلبي
مرت ساعات واذن المؤذن دخلت وي مريم اصلي توضيت وكعدت بغرفتها صليت من كملت لكيتها كاعده وراي تباوع علي
:- الله يكومج بالسلامه
خليت ايدي على بطني وكلت الها
:- يوم الالج واشوفج بحضنج ولد
اختفت ابتسامتها وحسيتها زعلت دنك واجاني صوت التفت على مصدره ولكيت عبد العباس بالباب واكف
:- الله يسمع منج ان شاء الله ويجي حسين للدنيا
عكدت حواجبي وكلت
:- حسين منو
ضحكت مريم وكالت
:- اذا صار ولد يريد يسمي حسين
ضحكت وياها باوعتله عيونه تلمع يباوع على مريم بكل حب وهيه مدنكه تضحك مشى وسحب الباب وياه سده
باوعتلها بابتسامه
:- الله يفرح گلبكم
:- مشكوره عيوني ويفرح گلبج... شراح تسمون ابنكم
YOU ARE READING
أسير الخطايا قـضية محو الذنـوب
Mystery / Thriller"أسير الخطايا" تدور حول شخصية رئيسية وجد نفسه محاصر بين الخيارات الصعبة والقرارات الخاطئة التي أدت به إلى الوقوع في دوامة الخطايا و تتصارع مع ندمها وألمها بسبب الأخطاء التي ارتكبتها في الماضي وتسعى جاهدة للخروج من هذا الوضع المأساوي يمكن أن يكون لد...
