أسير الخطايا قـضية محو الذنـوب

part 5 ♡🖇

الڪاتبــهہ‏‏""بنت مـهہ‏‏دي🫀

اني حيل تأخࢪت لمن صحيت

وهسه حسيت الجنت ماحاسه

الموت مࢪه توقع لڪن خطيت

هاي بغيــابڪ الموته الخامسه

شفت جفي وماعࢪفته من الصفاࢪ

لڪن الأكدلي محبس لابسه

هاي سخريه قدࢪ لو اني هيج؟

دمعي يوڪف لو يضل بواهسه؟

عمي ࢪجعلي القفص ما اࢪيد اطيࢪ

بيك متعلق الطيࢪ الحابسه.....

🦋.______________.🦋

اخذت الاوراق ضميتهن وين ما يضم دائما الاوراق المهمه

صبيت اله اكل وكعدت يمه

كل شوي ياخذله صفنه

:- ضياء

التفت علي وهو ياكل اردفت

:-ليش مانبيع البيت؟

:- وليش نبيعه

:- نشتري ازغر منه حتى تاخذ من فلوسه للمحل تشتري اغراض وبضاعه

دنك على الاكل وابتسم تك خد

:- لا اني راح ادين واشتري لا تخلين ابالج

:- هواي يصير عليك لو نبيع البيت احسن

:- هذا بيتج وبيت ابنج شغلي اني ادبره بس هذا البيت هو ثمره كل تعبي وهو الي يبقى الكم لا تفكرين ببيعته لا هسه ولا بعدين

هزيت راسي مطمئنه ومشت ايام وبلشت تقترب ولادتي وكل كعدت ضياء بالبيت يتعشه وينام كلش تعب وضعف هواي حسيت بي يتعب بس مايبين الي بس حتى مايقصر باي شكل

كلش فخوره بأب مثل ضياء يكون لابني او لبنتي لان مايحب يشوف نفسه مقصر باي شي واعرف مراح يقصر على اطفاله ماظلمت نفسيي ولا اطفالي من وافقت بي شخص مسؤول ومستعد يتعب كل عمره حتى يشوفني مرتاحه و ماينقصني شي

مرت ايام وجنت مثل كل يوم بروتين البيت شغلت التنور الطين حتى اخبز واني اسمع جهال بالمنطقه يلعبون برا ويغنون الواضح اكثرهم مو بالمدرسه لان جانت صبح وجان عندي حلاوه مسويتها امس وبارده اخذتها وفتحت الباب ووزعتها عليهم واني انوي بـ نيه صافية لتسهيل ولادتي ورحت اخبز

♢_________________________♢

ضياء

هواي اشياء عندي نقص بالمحل بس حامد ربي وشاكره اداينت فلوس من اخوي وبلشت شغل جان يجي عبد العباس هواي ويعرض علي يساعني باي شي اريده لحد ما اشتغل واوكف على حيلي