أسير الخطايا قـضية محو الذنـوب

part 11 ♡🖇

الكاتبــهہ‏‏""بنت مـهہ‏‏دي🫀

يــمنيتي قبل ڪل شمعه اطفيها

احجي وبينا الشاهد..

لان مشࢪوࢪ ثوبڪ ؏ حبال الفوڪ

الهوى بڪل السلف بارد...

بـتصنيف العطࢪ ••

ينحط وࢪاڪ الياس

عطࢪڪ شيخ عام يڪومله الڪاعد

🦋.______________. 🦋

ماجاوبني لزمته من ايده وطلعت بي بعده ماعبرته 3 محلات اشر على مجموعه كاعدين من ضمنهم ولد بعمره او اكبر منه بشوي

:- يصيح علي ماعندك ابو

فتحت عيوني بوجه ودنكت عليه صرت بمستواه

:- ليش اني مو ابوك ؟موتجي هنا بالمحل وكلهم يكولولك ابن عبد العباس؟

هز راسه بمعنى يي

:- لعد روح يمه وكله جبت ابوي واجيتك

سوه مثل ماكتله بس شكله جان يحجي لو ينهد على الولد يفلسه ويشمره بالارض قطع

كل شوي يعض شفته بعصبيه لو يعض ايده

من بين مجموعه الزلم كلها التفت على دحام واني واكف وراه اريد اشوف شيسوي صاح الولد يحجي بأستهزاء

:- هذا عمك مو ابوك

دحام يشتعل وينطفي ومالتفت عليه ابد مايحب يبن نفسه ضعيف عنده عزت نفس من طفولته واني انتظره هو يتصرف ماردت ادخل ويعتمد علي بكلشي اريد يتعلم يدافع عن نفسه

:- ابوي وغصبأأأأأأأ عليكك واذاااا تصيييح هيييج عللليه بعد ااااطين عيشتككك

تقربت عليه وخليت ايدي على جتفي واني اباوع للزلم كلها تباوعله من الطول للطول ماعاجبهم

عبد العباس :- انت وين ابوك ؟

اشر الولد على واحد من الزلم ابد ماادخل ولا شفته سكت ابنه وجهت اله الكلام

:- عاجبك ابنك يشمر سم على الرايح والجاي ويستهزء بولد يتيم ؟ اني ابوه واذا بعد ابنك تعرض لابني يصير غير حجي

ماجان يعرفني منو ولا يعرفني من اهل السوق وقديم هنا اجه رجال اعرفه سحب ابو الولد على صفحه قبل لا يرد عليه وضل يسولف وياشره اله عليه شفت نظراته اختلفت بس من رجع سحب ابنه وضل يدردم مبين بايك هوى

درت وجهي ومشيت ودحام يمشي وراي

لحد ماوصلت كدام المحل باوعت بصفي لكيته واكف دنكت عليه مسحت راسه واني احجي وياه